Osy jyldyń 1 qarashasynan bastap OQO İİD Jergilikti polısıa qyzmetiniń ókilderi  Ońtústik Qazaqstan oblysynyń aýmaǵynda «Brakoner» jedel aldyn alý is-sharasyn júrgizýde. Sharanyń basty maqsaty – tabıǵatty qorǵaý zańnamasyn buzýshylardyń jolyn kesý bolyp tabylady. Reıd jumystaryna polısıa qyzmetkerleri men tabıǵatty qorǵaý ókilderinen quralǵan 50-den astam jedel top jumyldyryldy.
Ótken úsh táýlik ishinde tártip saqshylary tabıǵatty qorǵaý zańnamasyn buzǵan 54 quqyqbuzýshylyqty jáne 9 ekologıalyq qylmysty anyqtady. Atap aıtqanda, aǵashtardy kesý, janýarlar dúnıesin paıdalaný jáne ań aýlaý talaptaryn buzý, balyq aýlaý, kútip ustaý qaǵıdalaryn jáne jasyl jelekterdi buzý eń kóp taraǵan quqyqbuzýshylyqtar bolyp tabylýda.
Máselen, 1 qarasha kúni polıseıler Saryaǵash aýdany aýmaǵyndaǵy Keles ózeniniń boıynda aǵashtardy zańsyz kesken 1988 jyly týylǵan jergilikti turǵyndy ustap, aıǵaq zat retinde balta jáne 0,5 kýb kesilgen aǵash tárkiledi. Sonymen birge, osy kúngi is-sharalar kezinde Túrkistan qalasynda polıseıler sekseýil artqan júk kóligin anyqtady. 1982 jyly týylǵan Túrkistan qalasynyń turǵynynda eshbir qujat bolmaǵan. Júrgizýshi men onyń janyndaǵy 1991  jyly týylǵan Otyrar aýdanynyń turǵyny avtokólikpen birge oqıǵanyń mán-jaıyn anyqtaý maqsatynda Túrkistan QİİB-ge jetkizildi.
Atalǵan jaıttar boıynsha QR QK-niń 340-babymen «Aǵashtar men butalardy zańsyz kesý, joıý nemese zaqymdaý» qylmystyq is qozǵaldy. Sotqa deıingi tergeý júrgizilýde.
Sonymen qatar, tabıǵatty qorǵaý zańnamasyn buzǵan 45 quqyqbuzýshyǵa ákimshilik tártippen 130 myń teńgeden astam aıyppul salyndy.   
Tabıǵatty qorǵaýǵa baǵyttalǵan atalǵan is-shara 10 qarashaǵa deıin jalǵasatyn bolady.
OQO İİD JPQ baspasóz qyzmeti