Bıyl Ońtústik aýylsharýashylyǵy salasynda erekshe túsimdilik kórsetip, rekordtyq kórsetkish kórsetse onyń ishinde Ordabasy aýdanynyń da úlesi bar.
Jeri shuraıly, azamattary eńbeksúıgish, yntymaǵy men birligi jarasqan Ordabasy óńiri Táýelsizdigimizdiń 25 jylynda turaqty damý jolyna túsip, elimizdiń ilgeri basýyna ózindik úlesin qosyp keledi. 1995 jyly Ońtústik Qazaqstan oblysy boıynsha barlyq aýylsharýashylyq qurylymynyń sany 8275-ti qurasa, onyń 158-i ıaǵnı 1,9 paıyzy ǵana osy aýmaqtan bolatyn. 21 jylda bul kórsetkish oblysta 72 417-ge jetse, búginde ordabasylyqtardyń úlesi 5505-ke turaqtady. Bul jalpy oblystaǵy aýylsharýashylyq qurylymnyń 7,6 paıyzyn quraıdy. Jalpy, Ordabasy aýdany bıylǵy jyldy da aýyl sharýashylyq ónimderi boıynsha jaqsy kórsetkishtermen aıaqtady deýge negiz bar. Atap aıtsaq: Aǵymdaǵy jyly aýyl sharýashylyǵy daqyldarynyń egistik alqaby 357 gektarǵa artyp, 54 357 gektardy qurady. Ótken jylmen salystyrǵanda maqtanyń egistigi - 62 paıyzǵa, bıdaıdyń egistigi - 32 paıyzǵa, kartop - 3,7 paıyzǵa ulǵaıdy. Aýdanda bıyl 30 259 tonna bıdaı, 15 028 tonna maqta, 68 650 tonna kókónis, 43 500 tonna baqsha ónimderi jınaldy. Aýyldardyń ereksheligi eskerilip, ónimdilikti arttyrý boıynsha atqarylǵan jumystyń nátıjesinde 5 aýylsharýashylyq óndiristik kooperatıv quryldy. Endigi kezekte, aýyldyq okrýgterde MTS ashýdy josparlanyp otyr.

Jalpy aýdandaǵy jergilikti bılik ókilderi Ordabasy aýdanynyń jetistikterin eselep, aldaǵy ýaqytta egiletin ónim kólemin ártaraptandyrý maqsatynda da biraq josparlar quryp otyr. Demek Ońtústikte rekordtar da jańara bermek...

http://alashainasy.kz/