Kóptegen elder azyq túlik qaýipsizdigine ulttyń qaýipsizdigi turǵysynan qaraıdy. Sondyqtan múmkindiginshe ózderiniń Otandyq ónimin óndirýge, óz jerlerin tıimdi ıgerý arqyly elin tolyqtaı ózderiniń azyq-túlik, aýylsharýashylyǵy ónimderimen qamtýǵa tyrysady. Búgingi kúni elimizge shekara asyp keletin aýylsharýashylyǵy ónimderi azaıyp,kersinshe elimizdiń eksportqa otandyq aýylsharýashylyǵy ónimderin kóbeıip keledi.

Máselen Ońtústik Qazaqstan oblysy bıyl kórshi Ózbekstanǵa 92 myń tonnadan astam astyq eksporttaǵan. Anyǵyraq aıtsaq, aǵymdaǵy jyldyń basynan bastap Ońtústik Qazaqstannan Ózbekstan Respýblıkasyna 92,4 myń tonna dándi daqyl eksporttalǵan. Oblysta ósimdik sharýashylyǵy ónimin damytýdyń mańyzdy baǵyttarynyń biri astyq ósirý bolyp tabylady. Aı saıynǵy monıtorıń jumysyna sáıkes, 2016 jyldyń 1 qyrkúıektegi jaǵdaıy boıynsha, oblysta dándi-daqyldar 121,1 myń tonnany qurasa, jyl basynan bastap 1025,1 myń tonna astyq kiriske alynyp, onyń ishinde satylym – 943,4 myń tonna, tuqymǵa – 8,5 myń tonna men jem-shópke-73,2 myń tonnany quraǵan. Olardyń negizgi úlesi 89,3 paıyz. Atap aıta keterlik jaıt 92, 4 kórsetkishi ótken jylǵymen salystyrǵanda 12,1 paıyzǵa kóp. Astyq Ózbekstan Respýblıkasyna eksporttalǵan. Al astyqtyń ımporty 0,1 myń tonnany quraǵan, astyq Irannan ákelingen. Qazir Ońtústik Qazaqstan oblysy barlyq aýyl sharýashylyǵy ónimderin jıyp terip, qambalarǵa toltyryp aldy. Bıyl egin sharýashylyǵy boıynsha aýyl sharýashylyǵy daqyldarynyń kólemi ótken jylmen salystyrǵanda 12,8 myń gektarǵa artyp, 788,6 myń gektar bolǵan. Ortasha eseppen respýblıka boıynsha óndirilgen maqtanyń úlesi - 100 %, júzimniń - 65 %, baqshanyń - 66 %, maqsarynyń - 40 %, jemis-jıdektiń - 31 %, kókónistiń - 24 % osy Ońtústik Qazaqstan oblysynyń enshisinde.

http://www.elarna.com/