QÝANYSH AǴA, sizge tótesinen aıta salaıyn: jastarǵa tezirek oryn berip, nemere-shóbereniń ortasyna baryńyz. Kemel jasqa kelip, kemeńger qarıa atanýdyń ornyna, keleke-mazaq keıipkerine aınaldyńyz. Qaýashaǵy bar adamǵa, "ádemi qartaıý" da danalyqtyń belgisi...
ARYSTANBEK, ata-anańyz yrymdap, "ań patshasynyń" atyn beker qoımaǵan bolar? Saıası saxnada qashanǵy "sırk keıipkeri" bolyp júre bermeksiz? "Jaqsy ıt te óligin kórsetpeıdi". Zooparkte qamalyp otyrǵan ań emessiz ǵoı, óz erkińizben ketińiz.
BEKBOLAT, keı jazbalarymda, qatty ketip qalatynymdy sezemin. Artyq aıtsam, ǵafý ótinemin. Biraq, el syılaǵan Bekbolattyń abyroıyn biz emes, "tórt aıaqty" Bekbolat túsirip jatqan joq pa? Namys - siz shyǵarǵan jýrnaldyń aty ǵana emes. Ol ár jigittiń azamattyq qasıeti. Sol qasıetti óz aıaǵyńyzben taptaı bermeı, mandatty tapsyryp, óner ordasyna qaıta oralsańshy. Áli de bolsa, kesh emes...

Aıtpaqshy: Joǵalǵan abyroıdy «goszakazben» qaıtara almaısyzdar. Oǵan AP-nyń zvonogy da kómektespeıdi.