Qazir elimizde kókónis pen jemis-jıdektiń 70 túri ósiriledi. Bul - statısıka. Alaıda osy 70-tiń shamamen 10-12 túri ǵana keń taralǵan. Jalǵyz kartop-pıazben alysqa barmasymyz aıan. Sondyqtan adam aǵzasyna asa paıdaly askók, sarymsaq, jýa, oramjapyraq, burysh jáne taǵy da basqa «shóp-shalam» alqabyn ulǵaıtý qajet.
Respýblıkanyń ońtústiginde joǵaryda atalǵan kóknisterdiń barlyǵy derlik ósedi. «Eń bastysy - áýeli ózimizdi jarylqaý, qa¬lyp jatsa, artyǵyn syrtqa shyǵarý - erteńgi kúnniń enshisi» degen qaǵıdamen jumys isteıtin maqtaraldyq dıqandar jyldan jylǵa óndiris kólemin ulǵaıtýǵa kúsh salyp júr. Maqtaaral aýdanyndaǵy baý-baqsha ónimderin baptaýmen aınalysatyn sharýa qojalyqtarynyń biri «Haıet» seriktestigi. Búginde jınalǵan ónimin eksportqa shyǵaryp jatqan qojalyq ıesi 40 gektar jerge qaýyn-qarbyz ekkenin, onyń 10 gektary qarbyz, 30 gektary qaýyn ekenin aıtty. Bıylǵy jyly ekken eginnen mol ónim alyp jatqanyn aıtqan sharýa 1 gektardan 20 tonna myrzashól qaýynyn alyp jatqanyn jetkizdi. Al jalpy 40 gektardan maýsymyna 1200 tonna qaýyn-qarbyz jınaý kózdelýde.Osylaısha, jyldaǵymen salystyrǵanda ónimdi molynan alyp jatqan maqtaraldyq dıqandar ala jazdaı eńbekteriniń aqtalatynyna qýanyshty. Búginde oblysta kókónis, kartop, baqsha daqyldarynyń jıyny bastaldy. Qazirgi tańda dıqandar 350 myń tonna kókónis, 120 myń tonna kartop, 240 myń tonna baqsha ónimderin jınady. Olar ózderiniń ónimderimen elimizdiń barlyq óńirlerin qamtyp, artyq ónimderdi Reseı memleketi men soltústik oblystarǵa jóneltýde.

https://thenews.kz/