Kene shaǵý derekteri oblys boıynsha  kóbeıip barady. Bul týraly búgin oblys ákimdiginiń kezekti májilisinde óńir basshysy Janseıit Túımebaev málimdedi.

– Júıeli sharýalar áli kúnge deıin óte az. Eń basty maqsat – azyq-túlik qaýipsizdigin qamtamasyz etý. Bizdiń tabıǵatymyz qolaıly, tórt maýsym bar. Biraq, el Táýelsizdiginiń 25 jylynda da ishki naryqty mal sharýashylyǵy ónimderimen tolyq qamtamasyz etken joqpyz. Bizde shyǵarylatyn ónimderdiń básekege qabileti tómen. Sondyqtan basqa oblystardy bylaı qoıǵanda bizdiń ónimimizdiń tutynýshylary shet el ónimderin satyp alýǵa májbur. Sondaı-aq mal sharýashylyǵyn damytýdyń basty máselesi venerınarıalyq qaýipsizdik. Bul másele boıynsha da tıisti jumystar júrgizilmeı otyr. Bıylǵy jazda, ózderińiz bilesizder, kene aýrýy órship ketti. Byltyrǵy jylmen salystyrǵanda kene shaǵý faktisi 40,4 paıyzǵa ósken. Iaǵnı 2016 jyly 5564 jaǵdaı tirkelgen! 2015 jyly 3961 bolǵan. Bul az emes. Al eger zalalsyzdandyrý jumystary ýaqytyly júrse, bulaı bolmas edi. Mine, osy máselelerge baılanysty da aldyn ala jumystar istelinbeı jatyr, – dedi Aýyl sharýashylyǵy basqarmasynyń basshysy Serik Turbekovtiń mal sharýashylyǵyn damytý týraly esebin tyńdaǵan oblys ákimi. 

http://rgmedia.kz/