Ogaıo shtatyndaǵy ýnıversıtette oqıtyn stýdent dúısenbi kúni ýnıversıtet kampýsynda qolyna pyshaq alyp, shabýyl jasady. Saldarynan 11 adam jaralandy, 1-eýi aýyr halde jatyr. Oqıǵa federaldyq tergeý búrosy boıynsha habarlanyp otyr, alaıda munyń terrorlyq áreketke qatysy bary jaıly naqty málimet joq.

  Angshýman Kapıl esimdi kýágerdiń aıtýynsha, shabýyldaýshy stýdent  jolynda kezdeskenniń bárine pyshaq siltedi. Osydan keıin shý shyǵyp, bári jan-jaqqa qasha bastaǵanyn aıtty.

  11 adamdy jaraqattaǵan stýdenttiń aty-jóni belgili boldy. Ol 18 jastaǵy Somalılik Abdýl Razak Alı Artan. Abdýl Razak osyǵan deıin óziniń jańa ýnıversıtetiniń kampýsynda, qoǵamdyq orynda duǵa jasaǵysy keletinin, biraq musylman retinde óziniń qaýipsizdigine qorqatynyn jetkizgen eken. 

  «Eger olar meniń musylman retinde duǵa jasap otyrǵanymdy kórse, men olardyń ne oılaıtynyn, ne isteıtinin bilmeımin»,–depti. Namaz oqýǵa arnaıy bólmesi bar kolejden aýystyrylǵan Abdýl Razak  jańa ýnıversıtette namazdy qaıda oqıtyn bilmeı qysylǵanyn anasyna aıtyp shaǵymdanypty. Ol jýrnalıserden kóńili qalǵanyn da tilge tıek etipti. Onyń oıynsha, olar onyń dinin, senimin basqasha sıpattaıdy. Abdýl Razaktyń qolyna pyshaq alyp, adamdarǵa shabýyl jasaýyna ne túrtki, ne sebep boldy belgisiz. Joǵaryda aıtylǵannyń bári kýágerlerdiń sózderi.

   Shabýyl bastalǵan keıin birer mınýttan soń Ogaıo shtatynyń polısıa ofıseri Alan Horýjkonyń qolynan oqqa ushqan Abdýl Razak es jımaı, sol orynda qaıtys boldy.

   Zertteýshiler áli de istiń jaı-japsaryn qarastyrýda.