Úkimet saǵatynda ótken jıynda Aqparat jáne komýnıkasıalar mınıstri Dáýren Abaev kelesi jyly on shaqty teleserıal jaryqqa shyǵatynyn aıtty, - dep jazady Baq.kz saıty.

Mınıstr túsirilip jatqan otandyq týyndylar óte sapaly bolady dep sendirdi. Sondaı-aq, úndi káris, túrik serıaldarynan da bas tarta almaıtyndyǵyn tilge tıek etti. Sebebi, olar úlken suranysqa ıe eken.

«Ásirese, aýyldy jerde kóretinder kóp. Bul baǵytta jumys istep jatyrmyz. Birte-birte azaıady dep oılaımyn. Memlekettik arnalar bul serıaldardan bas tartatyn shyǵar. Al dál qazir bul serıaldardan tolyq bas tartatyn bolsaq, qazaq telearnasynyń aýdıtorıasy sheteldik arnalarǵa ketip qala ma degen qorqynysh bar. Sondyqtan balansty saqtaýymyz qajet dep oılaımyn», - deıdi Dáýren Abaev.