«Ómirge optımısik turǵydan qaraıtyn áıelderdiń qaýipti aýrýlarǵa shaldyǵýy az kezdesedi» dep habarlaıdy Garvard ınstıtýnyń zertteýshileri.
Ǵalymdar 70 myń áıeldiń densaýlyǵyn baqylaı otyryp, optımıster qaterli isikke, júrek talmasyna jıi ushyramaıtynyn anyqtady.
Ekspertter zertteý nátıjesinde 70 myń qatysýshy salaýatty ómir saltyn ustanatyn áıelder bolǵanymen, pozıtıvti psıhologıalyq oılaý júıesi adam ómirinde mańyzdy ról oınaıdy degen pikirde.
Onyń ústine optımızmge úırenýge bolady.
American Journal of Epidemiology-da jarıalanǵan maqalanyń avtorlary: «eger adamdardy bolashaqqa jaqsy úmitpen qaraýyna úgitteıtin bolsaq, jalpy qoǵamdaǵy adamdardyń densaýlyǵyna oń áserin tıgizetin edi», – degen baılamǵa kelgen.
Zertteýshiler zeınetke shyqqan jáne áli de jumys jasaıtyn amerıkalyq medbıkelerdiń densaýlyǵyn zerttedi.
Medbıkelerden óziniń optımızmdik balyn 0-den 24-ke deıingi shkala boıynsha belgilep shyǵýyn ótindi.
58 ben 83 jastaǵy barlyq qatysýshylardyń densaýlyq jaǵdaılary jaqsy bolǵanymen, zertteýshiler segiz jyl boıy aýrýǵa baılanysty qaıtys bolǵandardyń barlyǵyn tirkedi. Osy ýaqyt ishinde 4566 eksperıment qatysýshysy qaıtys bolyp ketken eken.
Optımızmniń joǵarǵy kórsetkishin kórsetkender otbasy jaǵdaıy, áleýmettik shyǵý tegi, dıabetpen aýrýy, holesterın men depressıanyń joǵarǵy deńgeıine qaramastan ólimge az dýshar bolǵan.
Zertteýshiler, sondaı-aq, jaqsy oılaý bilý – tek qana saý psıhıka úshin emes, adamnyń denesine de bıologıalyq áseri bar dep tujyrymdap otyr.
Jattyǵý
Garvard ınstıtýnyń doktory Erık Kım optımızm deńgeıin kóterýdiń birneshe tásilin kórsetti:
- Ártúrli ómirlik sıtýasıalarda, otbasyńyzda nemese jumysta «ózińizdiń eń qýanyshty sátińizdi» elestetińiz. Eger jaqsy jumys jasasańyz jáne jaqsy nátıjelerge jetseńiz, ózińizdi qalaı sezinetińiz jaıly oılańyz.
- Kún saıyn qaǵazǵa ómirińizde alǵys aıtatyn úsh nárseni jazyńyz. Osyny apta boıy qaıtalap júrseńiz, kóńil-kúıińizdiń jaqsy jaqqa qaraı ózgergenin baıqaısyz.
- Eki apta boıy basqa adamdarǵa jaqsylyq jasap, jazyp júrińiz.
Kım doktordyń egizderge júrgizgen zertteýi boıynsha optımızmnyń 25%-y ǵana genke baılanysty, qalǵan 75%-y ózińizdiń qolyńyzda.
Aýdarǵan Shaıhy Maral
