Astanalyq oqýshylar mektep qabyrǵasynda-aq daıyn maman bolyp shyǵady dep habarlaıdy qamshy.kz.

Elordalyq mektepterge arnaıy kýrs engizbek. 10-11 synyp oqýshylaryn shashtaraz, tiginshi, daıashy, barmen, bala kútýshi, hatshy-referent sekildi mamandyq boıynsha oqytady. Tolyq kýrstan ótkennen keıin, arnaıy sertıfıkat tabys etiledi. Jumyspen qamtý ortalyqtary aty atalǵan maman ıeleri suranysqa ıe ekenin aıtady. Qazir daıyndyq jumystary júrgizilip jatyr.

Buǵan deıin memleket basshysy, 2017 jyldan bastap jumysshy mamandyǵy boıynsha tegin kásiptik-tehnıkalyq bilim alýǵa bolady dep málimdegen. Elimizdiń birqatar orta oqý oryndarynda kásiptik-tehnıkalyq bilim berilip jatyr. Olar dýaldy bilim berý júıesimen oqýda. Iaǵnı, 30% teorıa, 70% tájirbıe. Stýdentter alǵan bilimin tájirbıemen ushtastyrady.  Teorıalyq bilimin elimizdiń kásiporyndarynda is júzinde kóredi.

Elimizde  mektep qabyrǵasynan mamandardy daıarlaý isin qolǵa alǵany quptarlyq is. Sebebi Qazaqstan boıynsha joǵaryda atalǵan sala ıeleri úlken suranysqa ıe.

Ázirshe tek Astana qalasynda júzege aspaq. Joba  24 mektepti qamtyıdy.

Bilim salasyndaǵy jaǵymdy jańalyqtardyń tizimi munymen bitpek emes. 2017-2018 oqý jylynan bastap Astana qalasynyń mektepterine «Robototehnıka» páni engizilmek. Jobaǵa daıyndyq jaz aıynan bastaý alǵan. Alǵashqy ýaqytta atalmysh pándi ınformatıka pániniń muǵalimderi oqytady.  158 ınformatıka pániniń oqytýshylary Nazarbaev zıatkerlik mektebinde arnaıy kýrstan ótti.

Robotehnıka synybyn jasaý maqsatynda kerek jabdyqtarmen qamtamasyz etý josparda bar.