Taıaýda Ońtústik Qazaqstan oblysynda el Táýelsizdiginiń 25 jyldyǵyna arnalǵan «Bar meıirimimiz -  balalarǵa!»  qaıyrymdylyq sharasy ótkeni belgili.

Igilikti iske qatysqan oblys ákimi Janseıit Túımebaev óńirimizdegi úzdik oqý ozaty atanǵan 10 daryndy oqýshyǵa jáne erekshe bilim berýdi qajet etetin, jetim jáne ata-anasynyń qamqorlyǵynsyz qalǵan, az qamtamasyz etilgen jáne kópbalaly otbasydan shyqqan 240 balaǵa Memleket basshysynyń atynan syı-sıapat tartý etkeni esimizde.

Merekelik dýmanda barsha oqýshylardyń atynan óńir basshysyna alǵysyn bildirgen mektep oqýshysy Bekjan Bazarbek barsha jurtshylyqty Táýelsizdiktiń torqaly toıymen quttyqtap, osynaý jetistikterge jetýde kósh bastap, eldi bıik belesterge jetelep kele jatqan Elbasy – Nursultan Ábishuly Nazarbaevqa arnaǵan óleńin oqydy.

Qaıyrymdylyq sharada erekshe mánerimen kózge túsken Bekjan Ǵalymjanulyn arnaıy izdep, taptyq. Shymkenttegi «Batyrbek Ótep atyndaǵy «Óner» mamandandyrylǵan mektep-ınternatynyń 9 synyp oqýshysy Otyrar aýdanynyń týmasy bolyp tabylady. Bolashaǵynan úlken úmit kúttirer jas talant bolashaqta el jaıyn qozǵaıtyn jýrnalıs bolǵysy keledi eken.

Jazba jáne sýyryp salma jas aqyn Bekjan Bazarbektiń Memleket basshysyna arnaǵan júrek tolǵanysyn Ózderińizge usynýdy jón kórdik.