Qazaqstannyń burynǵy Qarjy mınıstri Aleksandr Pavlov "Habar"arnasyndaǵy arnaıy baǵdarlamada Nazarbaev oǵan túngi bir jarymda habarlasyp, 50 mln dollar suraǵanyn aıtyp berdi dep habarlaıdy NUR.KZportaly.

"Seniń jaqsy mınıstr bolǵanyń esimde. Búginde Qarjy mınıstriniń ǵımaraty dollarǵa uqsaıdy... Astanada qurylys toqtap qalǵan sátte, túngi bir jarymda men seni oıatyp "maǵan 50 mln dollar taýyp ber, qurylysshylarǵa tóleýim kerek" degen edim", - dep esine aldy Nazarbaev.

Pavlov prezıdenttiń sózin rastap, ári qaraı ne bolǵanyn baıandady.

"Rasymen solaı boldy. Siz túngi bir jarymda habarlastyńyz... Jumysta otyrǵan edik, qońyraý kelip tústi. "Siz prezıdentpen sóılesetin bolasyz" degende qaljyń shyǵar dep oıladym. Sátsiz qaljyń bolar dedim. Keıin Nursultan Ábishulynyń daýysyn estidim. "Uıyqtap jatyrsyń ba" dep surady. "Joq, jumysta otyrmyn" dedim. "Tańerteńge deıin 50 mln dollar tabý kerek" dedi... Taptyq, esep berdik. Sol kezde prezıdenttiń eshýaqytta uıyqtamaıtynyn uqtym. Bul máselelerdi ýaqytynda sheship otyrǵan durys eken", - deıdi Pavlov.