QR Aqparat jáne komýnıkasıa mınıstrliginiń ókilderi keshe, 16 jeltoqsanda áleýmettik jelilerdiń nelikten ashylmaı qalǵanyn aıtty, - dep habarlaıdy «Qamshy» portaly.

Vedomstvo ókilderiniń aıtýynsha, jelilerge kire almaýdyń sebebi tehnıkalyq aqaý bolǵan. "Keshe baılanys operatorlarynyń telekomýnıkasıalyq jelilerinde apat aqaýy boldy. Túnde jumys qaıta qalpyna keltirildi", - dep habarlady resmı ókil Arsen Bektasov.

Al túnde áleýmettik jeliler ishinara ashyla bastady. Qazaqstandyqtar Instagram, Facebook jelilerine kire aldy. Alaıda tikeleı Internet jelisi arqyly qosylýda kedergiler boldy. Uıaly ınternetten atalǵan saıttarǵa kirýge múmkindik boldy. Aıta keteıik, Qazastanda Egov.kz elektrondy úkimet jáne "Qazaqtelekom" AQ saıttaryna kirý múmkin bolmaǵan.
Aıta keteıik, 16 jeltoqsanda keshki ýaqyttan bastap qazaqstandyqtar Jelilerge qosyla almady. Kóptegen qoldanýshy áleýmettik jelirge, naqtyraq aıtsaq, Facebook, Vk.com, Telegram, You Tube, Twitter, Instagram, Google jelilerine kire almaı otyrǵanyn aıtyp, shaǵymdanǵan edi.

Internettiń aqsaý sebebin keıbireýler «Báse» portalyna Ábilázovtiń suhbat berýimen de baılanystyrdy.