Búgin 17.12.2016j. Almaty qalasyndaǵy Respýblıka alańynda Jeltoqsan qurbandaryn eske alý rásimi boldy. Alańǵa, Jeltoqsan men Sátbaev kósheleri qılysynda  ornalasqan Jeltoqsan qurbandaryna arnalǵan eskertkish mańyna bul joly jınalyp, taǵzym etkender sany mol boldy.

Jeltoqsan qasiretine arada ótken 30 jyldyń áseri boldy ma, joq, qazaqtyń sanasy oıana bastaǵany ma, álde buryn ashyq kórinbeı kelgen Jeltoqsanda zardap shekkenderdiń kóptep kelýinen be eken, áıteýir adam kóp boldy.

Osydan 30 jyl burynǵydaı Almaty aspany túnerip turdy. Qar qylaýlap, etten, súıekten ótetin yzǵar esti...

Almaty qalasynyń ákimi Baýyrjan Baıbek, belgili qazaq aqyny Muhtar Shahanov bastaǵan aqsaqaldar, jeltoqsanshylar, alańǵa gú shoqtaryn qoıyp, bir mınýt únsizdik jarıalap, qurbandarǵa baǵyshtap quran oqyldy.

Budan keıin Almaty qalasyndaǵy «Juldyz» restoranynda Jeltoqsan qurbandaryna arnalyp, quran oqylyp, as berildi. Atalm ysh asta alǵashy bolyp, sóz alǵandar: Muhtar Shahanov, Jumash Kókbóri, Ábıúrbek Tináli jáne t.b. belgili azamattar boldy.

Mine, osymen otyz jyl boıy qazaq júregin syzdatyp kelgen Jeltoqsan jarasy sol syzdatqan kúıi qalǵany jalǵan emes.  Jeltoqsan qasireti tóńireginde sheshilmegen suraqtar men baılaý túıini qıyn suraqtar kóp. Al, júrekti syzdatqan aýyr jaranyń qashan jazylatyny áli belgisiz. Taza aqıqatqa qol jetkizý úshin endi qansha jyldyń kerek ekeni de jumbaq?..

Ár júrekke túsken Jeltoqsan jarasy júrekterdi sol syzdatqan kúıi kele jatyr.