«Belarýsıa áskerleriniń jerine basa kóktep kirgen kez kelgen jaýǵa qarsy turýǵa shamasy jetkilikti jáne bul elge kúsh kórsetý arqyly mámilege kelý múmkin emes, tipti ıadrolyq qarýy bar kórshiles Reseı memleketi de mundaı ádisti qoldana almaıdy», - dep habarlady Belarýsıa eliniń prezıdenti Aleksandr Lýkashenko. Ol bul sózderi Belarýsıa jerine kóz tigip júrgen  Pýtınge  ózimen jeke sóılesip aıtqysy keletinin de qosa ketti. Belarýsıa men Reseı qarym-qatynasy jaıynda joinfo.ua portaly habarlaıdy, maqalanyń qazaqsha nusqasyn Qamshy portaly oqyrman nazaryna usynady.

Lýkashenko Reseıdiń Belarýsıany soǵyspen qorqytyp, ne qalaıtyndaryna basa nazar aýdaryp otyr. Eki kórshiles memleket arasyndaǵy baılanystyń ýshyǵyp, soǵysqa jalǵasý qaýipi aradaǵy qarym-qatynastyń ózgerýine sebep bolady.

«Belarýsıanyń shyǵystaǵy kórshisi Reseı eliniń mundaı is-áreketterinen qorǵanǵanymyz durys. Pýtınmen kelissózder júrgizip, onyń naqty kózdegeni ne nárse ekenine kózimizdi jetkizbeıinshe saıasatta qandaı bolsa, ekonomıkada salasynda da dál sondaı qarym-qatynasta bolady. Sonda da men ne úshin Pýtın Belarýsıa eline mundaı saıasat qoldanyp otyrǵanyn anyqtaǵym keledi», - dep málimdedi Lýkashenko.

Belarýsıa prezıdenti joǵarydaǵy sózderiniń tek bir suraqtyń anyq-qanyǵyn bilý maqsatynda aıtylǵan sózder dep habarlady.

«Men eshbir memleketke Belarýsıaǵa qarsy kúsh qoldanýlaryna jol bermeımin. Belarýsıa sonshalyqty úlken memleket emes jáne bizde eshqandaı da ıadrolyq qarýlar joq, alaıda, kez kelgen jaýǵa qarsy soqqy bere alatyndaı kúshimiz bar. Biz óz jerimizdi, elimiz ben táýelsizdigimizdi saqtaımyz, árıne, soǵysqa umtylmaımyz, degenmen, elimizge qaýip tóngen jaǵdaıda, qolymyzdan kelgenniń barlyǵyn da jasaımyz», - dep aıtty Lýkashenko.

Alaıda, ol Belarýsıa ádeıi soǵys otyn tutandyryp, jaqynnan jaý izdep jatyr dep oılamaýlaryn aıtyp eskertti.

Belarýsıa prezıdenti Lýkashenko jańa naryqtyq óndiristi endi Reseıden emes, Batystan izdeıtindigin aldynda bolǵan kezekti jınalystarynyń birinde aıtyp ótken bolatyn.

Aýdarǵan: Nazerke Labıhan