Kaıserı qalasynyń ortalyǵynda ornalasqan ýnıversıtettiń mańynda bolǵan jarylysqa qatysty Qamshy portaly jarıalaǵan bolatynbyz.

Túrkıa eliniń İshki İster Mınıstri Súleıman Soılý Kaıserı qalasynyń ortalyq mańynda bolǵan jarylysqa qatysty jeti adam tutqyndalǵandyǵyn málimdedi. Bul jaıynda ria.ru portaly habarlaıdy, málimettiń qazaqsha nusqasyn Qamshy portaly oqyrman nazaryna usynady.

Birneshe kún buryn Týrkıa eliniń áskerı kúshine qarsy baǵyttalǵan jarylys uıymdastyrylǵan bolatyn. Jarylǵysh qural ornatylǵan kólik demalysqa shyqqan soldattar men efreıtorlar mingen avtobýstyń janyna kelip jarylǵan. Nátıjesinde 13 soldat qaza taýyp,  55-i aýyr jaraqat alǵan.

Túrkıanyń premer-mınıstri Bınalı Iyldyrymnyń aıtýynsha, terrorıst ózin-ózi jaryp jibergen. Vıse-premer mınıstr Veısel Kaınak bul apat bir apta buryn Ystambulda bolǵan jarylystyń jalǵasy dep tapty.

Esterińizge sala ketsek, 10 jeltoqsan kúni Ystambuldyń qalasynyń ortalyǵynda ornalasqan fýtbol alańynda eki joıqyn jarylys oryn alyp, saldarynan 44 adam, onyń ishinde 37 polısıa qyzmetkeri mert boldy. Bıliktegiler bul jarylysty uıymdastyrdy dep elde jumys jasaýǵa tyıym salynǵan Partıalyq uıym Kúrdistandy kinálaǵan bolatyn. Keıinnen apatqa qatysty bar jaýapkershilikti «Kúrdistan qyrandaryna» qarsy jasaqtalǵan arnaıy top óz moıyndaryna aldy.

Aýdarǵan: Nazerke Labıhan