2016 jylǵy 16 jeltoqsan kúni shamamen saǵat 17.30-da     Qazaqstan Respýblıkasy Táýelsizdiginiń 25 jyldyǵyn merekeleý kezinde Taraz qalasyndaǵy «Dostyq» ortalyq alańynda 20 m/s jyldamdyqpen soqqan dúleı jeldiń nátıjesinde alańda ornatylǵan qorǵanys shebi kóterilip ketip, alańda turǵan adamdarǵa qaraı ushyp ketti. Bul týraly "Qamshy" portaly «Ońtústik» óńirlik qolbasshylyǵynyń Baspasóz qyzmetine silteme jasap habarlaıdy. 

Alańda qoǵamdyq tártip pen qaýipsizdikti qamtamasyz etip turǵan Qazaqstan Respýblıkasy Ulttyq ulanynyń Taraz qalasyndaǵy 5513 áskerı bóliminiń sarbazdary ózderiniń tabandylyǵymen  jedel áreket etýleriniń arqasynda qorǵanys shebiniń adamdardyń ústine qaraı qulamaýyn qamtamasyz etti, nátıjesinde alańǵa jıylǵan halyq oqys oqıǵadan aman qaldy. Sol jerde Ulttyq ulan sarbazdary qatardaǵy Aman Ajenov, Iýrıı Bajın, Iýrıı Dylúk túrli dárejedegi jaraqattar aldy.

Tabıǵattyń oqystan paıda bolǵan ahýaly kezinde 5513 áskerı bólim sarbazdary ózderiniń qaısarlyǵy men tabandylyǵynyń arqasynda beıbit turǵyndardyń jaraqat alýlary men jazymtaı jaǵdaılaryna jol bergen joq.

Jaraqat alǵan sarbazdarǵa shuǵyl alǵashqy medısınalyq járdem kórsetilip, olar Taraz qalasyndaǵy № 1 qalalyq aýrýhanasyna jatqyzyldy.

Tótenshe jaǵdaı 16 jeltoqsan kúni oryn alǵan. Zardap shekken sarbazdardy Tarazdyń №1 aýrýhanasyna jetkizdi.

Olardyń arasynda 20 jastaǵy Dylúk Iýrıı men 19 jastaǵy Ajenov Aman bas súıeginiń aýyr jáne ortasha dárejedegi jaraqatyn alyp, birden jansaqtaý bólimine aýystyrylǵan.

Sondaı-aq, tize býyndary men aıaq sıraqtary zaqymdalǵan 20 jastaǵy Bajen Iýrıı men 18 jastaǵy Amangeldi Dıasqa ambýlatorlyq em belgilengen.

Atalmysh oqıǵanyń vıdeosy Janserik Turǵynbektiń Facebook paraqshasyna jarıalandy.