Pákistanda Indıa kınojuldyzy Dıpıkı Padýkone óte tanymal

Pákistandyq kınoteatrlar bollıvýdtyq fılmderge qatysty tyıymdy alyp tastaýǵa kelisti. Bul týraly BBC-diń orys qyzmeti jazdy. Atalǵan tyıym eki el arasynda týǵan qyrkúıek aıyndaǵy shıelenisten keıin salynǵan bolatyn. Aıta ketsek, shekaralas Kashmırde áskerı jaǵdaı oryn alǵan edi.

Indıa áskeri sol kezde, Pákistan jaýyngerleriniń josparlanǵan shabýylynyń aldyn alý úshin hırýrgıalyq soqqy jasaǵanyn málimdegen bolatyn. Olardyń málimdeýinshe Pákistan áskerleri baqylaý aımaǵynda oq atyp, ereje buzǵan. Al, Pákistan televızıasy bolsa Indıa jaǵynan arandatyn oq atylyp, sáıkesinshe jaýap bergenin málimdegen bolatyn.

Osy janjaldan keıin keıbir ındıalyq kınokompanıalar pákistandyq akterlermen jumys isteýden bas tartqan bolatyn. Buǵan jaýap retinde Pákistan kınoteatrlary men dıstrıbútorlary ındıalyq kınolardy prokattan alyp tastaǵan edi.

Aıta ketsek, Pákistanda alǵash ret 1965 jyly Indıa kınolaryna tyıym salynǵan. Sol soǵys kezeńinen keıin tyıym tolyqtaı tek 2008 jyly alynǵan.

Djammý  men Kashmır shtaty halqynyń 70 paıyzy musylman sanalatyn Indıa shtattary bolyp tabylady. Kashmır aımaǵynda Pákistan men Indıa arasynda áli kúnge belgilenbegen daýly shekara bar.