Buǵan deıin "Qamshy" portaly jarıalaǵan Táýelsizdiktiń 25 jylynda jaryq kórgen 25 aqynnyń úzdik kitaptary tizimine kitaby kirgen Járken Bódeshuly óz óleńi "Týǵan jerdi" oqyp berdi. Aıta ketsek, aqynnyń "Emender túnde búrleıdi" kitaby shırek ǵasyrdyń úzdik kitaptary tizimine endi.

Belgili jýrnalıs Esbolat Aıdabosyn áleýmettik jelide vıdeo jazbany bylaı dep bólisti:

"Qaıbir jyly Jazýshylar odaǵynda Áýezxan Qodardyń shyǵarmashylyq keshi ótti. Operatorymdy jetelep bara qaldym. Aǵanyń ózinen suxbat aldym. Sújet úshin taǵy bir adamnan suxbat jazý kerek. Aınalama qarasam Járken aǵa ketip barady eken, toqtatyp alyp sózge tarttym. Áýezxan Qodar jaıly sóılep berdi. Suxbattasyp bolǵan soń raxmetimdi aıtyp ketip bara jatsam artymnan júgirip kelipti. 
-Ne boldy aǵa?-desem.
-Aty-jónimdi jazyp almadyń ǵoı deıdi. Oıbaı sizdi tanımyz, tanymaq túgil óleńderińizdi jatqa bilem dep "Týǵan jerden" bir shýmaq aıtyp berip edim, balasha máz bolyp ketti. "Meni tanymaısyń ba ne" dep shirenetin túkke turmaıtyndardyń talaıyn kórdik qoı. Sonyń qasynda netken qarapaıymdyq deseńshi.... Sol óleń minekeı, aqynnyń ózi oqıdy."