Brıtanıa ýkraındyq áskerdi daıyndaý baǵdarlamasyn taǵy bir jylǵa sozdy. Ony Reseıdiń «arandatýshy» áreketterimen túsindirdi dep habarlaıdy bbc.com.

Eldiń qoǵanys mınıstri Maıkl Fellon habarlaǵandaı brıtandyq áskerı nusqaýshylar Ýkraınada 2018 jylǵa deıin qalatyn boldy.

«Brıtandyq nusqaýshylarmen ýkraındyq áskerdi daıyndaıtyn  baǵdarlamany uzartýymyz, bizdiń Ýkraınany qoldaıtynymyzdan habar beredi. Reseıdiń basqynshylyq áreketiniń aldynda Ýkraınanyń táýelsiz el bolyp, shekaralyq birtutastyǵyn saqtaýyn qalaımyz» dedi Fellon.

«ITV» arnasynyń málimetinshe, 2017 jyldyń naýryz aıynda brıtandyq nusqaýshylardyń daıyndyǵynan 5000 ýkraındyq áskerı qyzmetker ótedi. Ótken jyldyń naýryz aıynda brıtandyq nusqaýshylar Ýkraınanyń shyǵysyndaǵy DHR men LHR áskerimen soǵysyp jatqan ýkraındyq áskerdi daıyndady.

Sol kezde Brıtanıanyń premer-mınıstri qyzmetin atqarǵan Devıd Kemeron, jaýıa áskerdi, logıstıka, barlaý málimetterine saraptama jáne medısınalyq kómek kórsetý boıynsha oqytyp jatqanyn málimdegen.

Sol kezde Ýkraınada 75 áskerı nusqaýshylar jumys isteıdi dep kórsetilgen edi. Brıtan úkimeti ýkraındyq áskerge – dári qobdıshasy, túnde barlaıtyn qural jáne jatyn qaptaryn jetkizgen.