Birneshe aıǵa sozylyp, kórermendi ár jeksenbi saıyn kógildir jáshikke baılap, baýrap alǵan «MýzART LIVE» jobasy óz máresine jetti.
60000 adamnan sýyrylyp shyǵyp, aqtyq synǵa 8 qatysýshy ótken bolatyn. Segizdikten tórteý tańdalyp, jańa «MýzART» kvarteti qurylatynyn esterińizge sala keteıik. Sáken Maıǵazıev, Aqjol Meıirbekov, Meırambek Bespaev, Qydyráli Bolmanov, Kenjebek Janábilov, Rınat Gaısın tórelik etken jobanyń aqtyq synynyń sharty boıynsha jeńimpazdyń tek bireýin halyq ózi daýys berý arqyly tańdaıdy. Alǵashqylardyń biri bolyp jańa toptyń quramyna kirgen qostanaılyq Serikbolsyn Kishkenbaev boldy. Al, qalǵan úsh fınalısti top músheleri qasynda otyrǵan keńesshilerimen aqyldasa otyryp tańdady. Kenjebektiń kózi Nurhat Segizbaevqa tússe, Meırambek 18 jasar Ázız Baltebekulyn toptan kórgisi keldi. Uzaq oılanyp, tereń tolǵanǵan Sáken óziniń bul topqa 25 jasta kelgenin, oǵan deıin ondaǵan baıqaýlarǵa qatysyp, baǵyn synasa da jeńiske jetip kórmegenin aıtty. Sóz sońynda ol Sultan Ahmetti tańdady.
Sonymen, jańa kvartettiń múshelerimen tanysyńyzdar.
Olar:
Serikbolsyn Kishkenbaev
Nurhat Segizbaev
Ázız Baltabekuly
Sultan Ahmet
