Ońtústik Qazaqstan oblysy Qazyǵurt aýdany «Daıan» sharýa qojalyǵynda arnaıy kásiporyn ıelerine jabyq topyraqta lımon ósirý týraly sheberlik synyptaryn jıi ótkizip turady.Sebebi, bul sharýashylyq túrin damytyp, qolǵa alǵandar kemde-kem.

         "Daıan" sharýa qojalyǵy 2008 jyly qyzanaq pen qıar ósirý úshin 8 jylyjaı salǵan. Alǵashynda jumystary jaqsy júredi. Alaıda sońǵy jyldary básekelester kóbeıip, kókónisterdi ótkizý qıynǵa soqqan. Sharýashylyqtyń jumysymen jaqynyraq tanysyp, sharýa qojalyńynyń basshylyǵymen sóılestik.

«Sol kezde biz bárin basyp ozýǵa bel býdyq», – deıdi «Daıan» dırektory Manatáli Tańsyqbaev. – Lımondy qalaı ósirý kerektigin kórý úshin Ózbekstanǵa bardyq. Qaıtarda birneshe kóshetin alyp kelip, ózimizdiń jylyjaıǵa otyrǵyzdyq. Araǵa eki jyl salyp, ol jemisin bere bastady. Qazir orta eseppen alǵanda ár aǵashtan 15 myń kılogramdaı jemis alamyz. Bizdiń Qazyǵurttyń lımondary Shymkent pen Almatyda jáne Reseı qalalarynda óte jaqsy ótedi. Bul jemiske suranys jyl saıyn artyp keledi.

Bul sıtrýstik jemisti ósirý úshin Tańsyqbaevtar (bul otbasylyq kásip) túrli lımon ósiretin tálimbaqtardy aralap, barlyǵyn sanap shyqqan. «Bul kásiptiń kirisin de, shyǵysyn da biz jan-jaqty oılandyq. Basqa jemister sekildi buǵan da kóp kútim kerek. Biraq bir kúni bir aǵashtan 135 kılogramm lımon terip alǵan adamdardy óz kózimizben kórgende qyzyǵýshylyǵymyz adan saıyn oıandy. Sóıtip, otyz kún oılanyp, qyryq kún tolǵanyp «Meıer» dep atalatyn lıon sortyn ósirýdi qolǵa aldyq».

Alǵashqy jyldary qyzyq úshin ár aǵashtan qansha lımon alǵanymyzdy sanaıtynbyz. Rekordtyq kórsetkishimiz – 35 kılogramm (282 lımon). Bul rekordty áli eshbir aǵash qaıtalaǵan joq.

«Daıan» sharýa qojalyǵy óz degenderine jetti. Endi olar óz tájirıbesin ózgelermen bólisýdi jón kórip otyr. Qazyǵurt aýdany kásiporyn ıelerin qabyldaý ortalyǵynyń dırektory Asqar Áýbákirov: «Lımon ósirý – keremet bastamalardyń biri. Ol kóp uzamaı bizdiń aýdanymyzdyń brendine aınalary sózsiz» deıdi.

Qazyǵurt aýdany geografıalyq orny jaǵynan óte jaqsy jerde ornalasqan. Sondyqtan jaqynda bul jerge tájirıbe retinde banan aǵashynyń da kóshetterin otyrǵyzyp kórdi. Sharýa qojalyǵynyń dırektory aldaǵy ýaqyttarda ony bólek jylyjaıǵa ósiretinin aıtty. Sebebi lımon men banan jemisteriniń temperatýralyq tártipteri sáıkes kelmeıdi. 

Buıyrsa "Daıan" sharýa qojalyǵy banan jemisin de ósirip, satylymǵa qoıady.

Aqerke AIaNQYZY