Astanada elimizdegi bas shyrshanyń shyraǵyn jaǵý rásimi ótti, - dep habarlaıdy Tengrinews.kz
Merekelik shyrsha "Han-SHatyr" oıyn-saýyq ortalyǵyndaǵy muz qalashyǵynda ornatyldy.
Jańajyldyq shyrshany Astana qalasynyń ákimi Áset Isekeshev jaqty.
Osylaısha elimizdegi bas shyrshany jaǵýǵa arnalǵan merekelik baǵdarlamada qala qonaqtary bezendirilgen shyrshany tamashalaı aldy.
Sondaı-aq, búgin elimizdegi eń úlken muz qalashyǵynyń ashylý rásimi ótti.
Qala basshysy Áset Isekeshev bul is-sharanyń dástúrli túrde jyl saıyn ótkizilip turatynyn aıta otyryp, Facebook jelisindegi paraqshasy arqyly qala qonaqtary men turǵyndaryn bas shyrshanyń shyraǵyn jaǵý rásimine shaqyrdy.
Aıta keter bolsaq, Táýelsizdiktiń 25 jyldyǵyna oraı elordada EKSPO kórmesiniń aýmaǵynda boı kótergen jańa monýmenttiń ashylý saltanatynda Nursultan Nazarbaev Astana qalasynyń ákimi Áset Isekeshevtiń qazaqshasyna túsine almaı, ákimge quttyqtaýdy resmı tilde jalǵastyr degen edi.
