Elbasy Nursultan Nazarbaev RF Prezıdenti V.Pýtınge kóńil aıtý jedelhatyn joldady. Bul týraly Aqordanyń baspasóz qyzmeti habarlady. Reseıdiń Túrkıadaǵy Tótenshe jáne ókiletti elshisi Andreı Karlovtyń qaza tapqany týraly habardy Memleket basshysy zor kúızelispen qabyldap, marqumnyń otbasyna kóńil aıtty.
«Bul terorızm aktisi osynaý zulymdyqpen kúres jolynda búkil álemniń kúsh-jigerin jumyldyrý qajet ekenine taǵy da kózimizdi jetkize tústi. Eshqandaı zorlyq-zombylyqty aqtaýǵa bolmaıdy. Qazaqstan terorızmniń kez kelgen túrin qatań aıyptaıdy», – delingen jedelhatta.
