Associate Press fotografy Býrhan Ozbılıdjı Ankaradaǵy reseılik elshiniń óltirilýiniń kýási boldy jáne shabýyldan keıin oqıǵany egjeı-tegjeıli baıandap berdi.

«Kalınıngradtan Kamchatkaǵa deıin saıahatshylardyń kózimen» dep atalatyn kórmege fotograf «úıine jol-jónekeı» bolǵan soń, kire salǵan.

Fotograftyń sózinshe, «bul standartty shara» bolǵan.

«Sondyqtan qara kostúmdegi, galstýk taqqan er adam tapanshasyn shyǵarǵan sátte men tań qaldym, biraq kóńil aýdartý úshin jasalǵan trúk dep oıladym. Shyn máninde, bul aldyn-ala josparlanǵan qandy-qol qylmys. Barlyǵy meniń jáne basqa adamdardyń kóz aldynda bolyp jatty. Elshi óltirilgennen keıin árqaısysy tyǵylýǵa pana izdep, abyr-sabyr bolyp ketti, – deıdi fotograf.

Ozbılıdjı: «galereıada kem degende segiz atys boldy. Qonaqtar jerge jatyp, ústelderdiń astyna tyǵyla bastady» dep baıandady.

«Men qoryqqanymnan abyrjyp qaldym, biraq qabyrǵanyń artyna tyǵylyp, óz jumysymmen aınalystym: sýretke túsire bastadym»,– dep jalǵastyrdy sózin dál Andreı Karlov sóz sóılep jatqan kezinde kirip kelgen fotograf.

«Ol aqyryn sóıledi – Otanyma degen mahabbatpen – meniń estip qalǵanym boıynsha,– dedi Ozbılıdjı Karlov sol mezette ózine asa baısaldy jáne qarapaıym kóringenin qosa aıtyp.

«Artynsha atysqa ulasyp, dúrbeleń bastaldy».

«Meniń kóz aldymda adam ajal qushty, onyń ómiri kóz aldymda bitti, bolǵan nárseni túsiný úshin birneshe sekýndtar ketti»,– deıdi fotograf.