Reseıdiń Qyrymǵa kórsetken basqynshylyq áreketi men Ýkraınanyń shyǵysyndaǵy qarýly qaqtyǵys úshin Reseıge salynǵan sanksıalardyń merzimi uzartylatyn boldy. Bul aqparat Eýro Odaqtyń resmı jýrnalynda jaryq kórdi.
Sanksıany 2017 jyldyń 31 shildege deıin uzartý týraly sheshim, ol jýrnalda jarıalanǵannan keıin kelesi kúni kúshine enedi. Negizinde sanksıanyń merzimi 2017 jyldyń qańtar aıynda bitýi kerek edi.
Brússelde ótken samıtten keıin, sanksıany uzartý týraly resmı emes aqparat shyqqan. Alaıda, eshkim ony rastamaǵan.
Reseı sheneýnikteri, kásipkerleri, saıasatkerler men áskerılerine qatysty jekelengen sanksıalar qyrkúıek aıynda uzartylǵan. Naýryz aıynda onyń merzimi bitedi. Sanksıaǵa ilikkenderge bir jyl boıy Eýro Odaqqa kirýge ruqsat etilmeıdi jáne olardyń eýropalyq bankterdegi shottary toqtatyldy.
Eýro Odaq Reseıge qatysty alǵashqy sanksıalardy 2014 jyly kóktemde engizgen. Ol Qyrymǵa degen basqynshylyq áreketine baılanysty salyndy. Sanksıa nysany memlekettiń ózi emes, Brússeldiń oıynsha bolǵan oqıǵaǵa qatysy bar jekelengen adamdar boldy. Ýaqyt óte kele olardyń tizimi tolyǵa berdi.
Sonymen qatar Eýro Odaq Reseıdiń Ýkraına shyǵysyndaǵy teketiresine baılanysty qosymsha sanksıa engizdi. Bul joly reseılik ekonomıka-qarjy, energetıkalyq jáne qorǵanys salasyna salyndy.
Batys, Donbastaǵy shıelenisti Máskeýden kóredi. Al Reseıdiń ózi oǵan eshqandaı qatysy joq ekenin aıtady.
Reseı de sanksıa engizgen elderge qatysty shekteý sharalaryn qabyldady. Keıbir elderdiń aýylsharýashylyq ónimderin kirgizýge shekteý qoıyldy.
