"Qazavtojol" basshylyǵy men Esep komıtetiniń memlekettik aýdıtorlary ustaldy, - dep habarlaıdy Tengrinews.kz tilshisi. Sybaılas jemqorlyqqa qarsy is-qımyl ulttyq búrosynyń ókilderi respýblıkalyq búdjettiń atqarylýyn baqylaý jónindegi Esep komıtetiniń memlekettik aýdıtorlary B.Kopobaev pen A.Jáńgirbaevti ustady.

"Laýazymdy tulǵalar josparly túrde ótetin tekserister kezinde "Qazavtojol" bas dırektory S.Muqashevtan maqsatsyz jumsalǵan búdjet qarajatyndaǵy ereje buzýshylyqtardy kórsetpeý úshin 16 000 000 teńge kóleminde para alǵan. Sondaı-aq, bul qylmysqa "Qazavtojoldyń" oblystyq fılıaldaryndaǵy basshylary da tartylǵan. Olar memlekettik aýdıtorlarǵa para jınap júrgen", - delingen habarlamada.

"Asa iri kólemde para alǵany úshin memlekettik aýdıtorlar B.Kopobaeva men A.Jáńgirbaeva, para bergeni úshin bas dırektor S.Muqashev, onyń orynbasary E.Shámishev, bas esepshi Sh.Qorǵanova, bólim jetekshileri B.Elemesov, K.Ájiǵulov, sonymen qatar, "Qazavtojol" oblystyq fılıaldarynyń jetekshileri ustaldy", - delingen habarlamada.

Qazirgi ýaqytta para bergender men para alǵandar Astana qalalyq İİD ýaqytsha ustaý ızolátoryna qamaldy. Sotaldy tergeý jalǵasyp jatyr.