Smartfonǵa arnalǵan dárethana qaǵazy – estir qulaqqa turpaıylaý estilgenimen, bul paıdaǵa aspaıtyndaı jańalyq emes. Óıtkeni dárethanada bolsyn, qoǵamdyq oryndarda bolsyn uıaly telefonymyzdan bir eli aıyrylmaımyz. Al, mundaı oryndardaǵy aýa múmkindiginshe mıktobtarǵa toly bolady, sol sebepti gadjet betin de tozań basyp qalady. Dál osyndaı jaǵdaılarda japondyq dárethana qaǵazy kómekke keledi.

Eń alǵash tájirıbe Tokıo qalasyndaǵy Narıta áýejaıynda ótkizilýde. Bul erekshe baǵdarmanyń bastamashysy japondyq NTTDoCoMo uıaly operatory bolyp otyr. Qaǵazdyń ár býmasynda Wi-Fi jelilerine qalaı tegin qosylýǵa bolatyny jaıly aqparat jazylǵan jáne de jolaýshy qyzyqtyrǵan basqa da suraqtaryna jaýap ala alady. Árıne, gadjettiń betinde onymen qosa, mıkrobtardy qalaı tazalaýǵa bolatyny jaıly nusqaýlyq jazylǵan.

Eger osy tárizdes ınovasıa kúlkińizdi týǵyzsa, mundaı prosedýralardyń úlken máni bar ekenin eskertýge asyǵamyz. Smartfon tazalanbaı, aılar boıy las bolǵandyqtan, qolymyzdy jıi jýǵanymyzdan ne paıda? Kózge taza sıaqty kóringenimen, mamandardyń aıtýy boıynsha eń las jerlerdiń biri dál osy gadjedtiń beti sanalady eken. Al, biz ony túski asta da, uıyqtar kezde de, jalpy barlyq kezde janymyzda alyp júremiz. Osy tendensıa basqa eldermen qosa, Qazaqstanda da jalǵasyn tabady dep senemiz.