Ankaradaǵy Reseı elshisiniń óliminen keıin Tramp tosyn málimdeme jasady.

Eske salsaq, Andreı Karlovty atyp óltirgen jendet «mısıasyn oryndaǵannan» keıin «Allahý Akbarlap «Sırıadaǵy adamdardy bombalap jatqan Reseıden kek alǵanyn» aıtyp urandap edi.

Tramp osyndaı qatygez jaǵdaıdan keıin musylmandardyń AQSH-qa kirýi týraly pikirin suraǵan jýrnalıserge «Meniń josparlarymdy baıaǵydan beri bilesizder, aıtqanym aıdaı keldi. Bolǵan jaǵdaılardan kisi uıalady» dedi.

Aıta ketsek, Tramp saılaý aldy kompanıasynda AQSH-qa musylmandardy kirgizbeıtinin aıtyp, álemde dúmpý týǵyzǵan edi.

Keıinnen Tramp, aıtqanynan sál ǵana jumsaryp, terrormen ataýy baılanysqan jáne qaýipsizdik baqylaýy múmkin bolmaǵan elden kelgen adamdardy elge kirgizbeýge pikirin ózgertken.

Tramp Dúısenbi kúni bolǵan Berlındegi terrorlyq áreketke baılanysty da jazba málimdemesinde: «DAISH jáne basqa da mılıtarısik Islamshy toptar úshin «óz jahandyq jıhadtary aıasynda ylǵı da Hrıstıandardy ómir súrgen jerleri men qulshylyq oryndarda óltirip jatyr» degen bolatyn.  

Biraq, keshe jasaǵan málimdemesinde Hrıstıandarǵa baılanysty qoldanǵan sózin emes, «Bular adamgershilikke qarsy jasalǵan shabýyldar jáne qalaıda toqtatylýǵa tıis» degen.

AQSH bılik ókilderi Tramptyń áýelgi sózinen Musylmandar arasynda Batysqa qarsy kektený týyndaýynan alańdap, Musylman qaýymynyń zorlyq-zombylyqqa qarsy kúresinde Batyspen áriptestiginiń bosańsýyna alańdaýshylyq tanytty.