Ulttyq qaýipsizdik komıteti «At-Takfır ýal-Hıdjra» dinı-ekstremıstik uıymynyń uıashyqtaryn beıtaraptandyrý boıynsha  21 jeltoqsanda bastalǵan arnaıy operasıany aıaqtady dep habarlaıdy UQK baspasóz qyzmeti.

İshki ister organdary bólimshelerimen birlese dinı alaýyzdyqty qozdyrdy jáne atalǵan uıymnyń is-áreketine qatysty degen kúdikpen barlyǵy 33 adam ustaldy.

«At-Takfır ýal-Hıdjra» jaqtaýshylarynyń turatyn jáne jınalatyn mekenjaılary boıynsha júrgizilgen tintý barysynda dinı materıaldar, kompakt-dıskter, kompúterlik tehnıka jáne úlken somada aqsha tabylyp, alyndy. Qajetti saraptamalar taǵaıyndaldy.

Búgingi kúni alynǵan aıǵaqtar jıyntyǵy boıynsha «At-Takfır ýal-Hıdjra» uıashyǵynyń 7 kóshbasshysy men belsendi qatysýshylaryna qatysty qamaýǵa alý túrinde, bireýine – eshqaıda ketpeý jaıynda aldyn alý sharalary qoldanyldy.

8 adamǵa qatysty kelý týraly mindetteme túrinde prosesýaldyq májbúrleý sharasy tańdaldy. Uıymnyń qatardaǵy 17 múshesi ázirshe tergeýge kýáger retinde tartylady.

Ustalǵan adamdardyń kópshiligi moıyndaý túsinikterin berdi jáne tergeýmen yntymaqtasyp jumys isteýge nıet bildirdi. Olardan radıkaldyq ıdeologıa nasıhattalatyn jasyryn jıyndardy ótkizý týraly málimetter alyndy. Sonymen qatar qazaqstandyq uıashyqtardyń is-áreketi shetelden basqarylyp otyrǵan.

Jedel-tergeý is-áreketteri jalǵasýda.