Seısenbi kúni AQSH-tyń Mınnesota qalasynda Asma Djamanyń isi boıy sot otyrys ótti dep habarlaıdy buzzfeed.com

2015 jyldyń qazanynda Djodı Berchard-Rıch esimdi áıel restoranda jaqyndarymen birge tamaq iship otyrǵan Asma Djamaǵa kelip ony aǵylshynsha sóıleýge nemese óz eline taıyp turýǵa buıyrady. «AQSH-tyń azamatymyn. Aǵylshynsha erkin sóıleımin» degen Asmaǵa jyny kelgen Djodı shyny saptyaıaqpen Asmanyń betinen urady. Nátıjesinde Asmanyń erni jarylyp, qanap, operasıa jasalynyp, 17 jerden tigiledi.

Zardap shegýshi Asma sot barysynda jınalǵandardyń aldynda «Sol kúni meniń basymnan ótken jaǵdaı endigári eshkimmen qaıtalanbaýy qajet» dep sóz sóıleıdi.

«Meniń dinim maǵan meıirimdi, keshirimdi bolýǵa úıretedi. Men ary qaraı ómir súremin. Eger de yza-kekke býlyqsam, ol maǵan esh jaqsylyq ákelmeıdi. Sol kúni sizdiń jasaǵanyńyz, maǵan qol kótergenińiz jaqsy bolmady. Mundaıǵa eshqashan barmańyz. Búkil jınalǵandardyń aldynda sizdi keshirgenimdi aıtqym keledi» dep sózin aıaqtady Asma.

44 jasar Djodı Berchard-Rıch 6 aıǵa bostandyǵyn aıyrylyp, 5 jylǵa shartty túrde sottaldy.