25-jeltoqsan kúni saǵat 16.00-de Pavlodar oblystyq densaýlyq saqtaý basqarmasynyń basshysy Nurlan Qasymov abaısyz ańshylyq tegis uńǵyly qarýmen sol ıyǵyn jaraqattap alǵan dep habarlaıdy pavlodarnews.kz tilshisi.
Bir saǵattyń ishinde Nurlan Qasymov dereý oblystyq aýrýhanaǵa jetkizilip, ota jasalǵan. - Búgingi kúni Nurlan Qaýkenulynyń jaǵdaıy turaqty, - dedi basqarma basshysynyń orynbasary Nurlan Orazalın. Esterińizge sala ketsek, Nurlan Qasymov Pavlodar oblysy densaýlyq saqtaý basqarmasynyń basshysy bolyp 2012 jyly taǵaıyndalǵan. Buǵan deıin ol bas dáriger, Astana qalasy «Jedel medısınalyq kómek kórsetý respýblıkalyq ǵylymı ortalyǵy» AQ-nyń basshysy mindetin atqarǵan.
