1

Tas qala! 
Tanys kóshe! 
Tasbaýyrlaý! 

 Jaıdary jolyqpaıdy dos, baýyr da. 
Tuıaǵy aspaltqa tańba salyp, 
Dúrkirep kóship jatyr qasqa jyldar…

Betón úı berik qorǵan, qadaý- qadaý. 
Men jalǵyz, 
aspan synyq, 
ǵalam naraý…
Shyńdardyń shylaýyshy jamaý- jamaý, 
Qyzdardyń erinderi boıaý- boıaý…

Alqyzyl kókjıekke jasyńdy orap, 
Menimen syrlasatyn keshiń ǵana!
Úsheýden oqshaý qalǵan shermendesiń, 
Altaýdan alys qalǵan jetim qala!

Jerdiń betin jýsada jeti nóser
Jetimniń qushaǵynda jetim óser!
Sabylǵan samarqaýlar , 
Aıqaılasań 
Kúıbeńdep qumyrsqadaı esi keter…

Altyn kún ala taýdyń basynda tur…
Aspalttyń astynda basym jatyr! 
Tas emshegin tóseıdi tas qalaǵa
Qyryq toǵyz qubylǵan qatyn ǵasyr!

2

Qadalar qyzyl jalaýǵa bola 
Qyp qyzyl tastan qalanǵan qala …
Kóleńke qýǵan kógáldá bala 
Abyrjyp turǵan alańdaýly ana …

Kúlki shyqpaıdy 
Kóntaban joldan , 
Qaýhary ketken sharshaǵan jandar …
Qazan qabaǵy qyraý bop qatqan

qaljyrap atqan qaýsaǵan tańdar …

Qudaıdyń ǵana 
(sen aspandama! ) 
Jalǵyzdyǵyna talasqan qala ! 
Jylap barady joldyń shetinde
Kóleńkesinen adasqan bala …

Yzǵar jaryqtar …
Ony da aıtpaımyn, 
 Túnder ǵaryptar 
Ony da aıtpaımyn.
Tańdar tábitter ony da aıtpaımyn …
Jylaǵan bala , kóleńkeń qaıda 
Joǵalǵan qala jolyna uqsaıtyn …

Altaıdyń qynasy em

Seksendi qoıyp toqsanǵa kelsem bir kúni ... 
Shashymdy qoıyp aǵaryp Qasym , kirpigim …
Qalarmyn ózim ! 
 Oryndyqta ıakı tósekte , 
Tonalar bári … 
Jastyqtyń jalǵan jyltyry !

Qaljyrap juryp , ystyqta sýyq kún keship , 
 Aldymda jalǵyz ajal deıtin bir syrly esik . 
 Altaıdan- mynaý ákemdi kómgen topyraq ! 
Buıyrar ma eken bir besik?!

Kózi bop qonbaı ákemnen qalǵan saıǵaqqa ! 
Kóbelek taǵdyr tartasyń endi qaı jaqqa ?! 
Kúl bolyp tánim shashyrap keterme eken- aý 
Órtenip jatqan osynaý sorly aımaqqa !

Janymda qalyp alǵyzdyq ýyn bóle ishken , 
Altaıym meniń ! 
Ózińde keshsem ne keshsem ! 
Babamnyń qany tasyńa tamyp ketkende 
Aıazyńdy emip qarysqan qyna emespe em !

daıyndaǵan: Bulǵyn Sýsar