Iman qalmaı, ıba qalmaı adamda
Ot bop turǵan, órt bop turǵan zamanda
Oý, Rabbym! Qazaǵymdy saqtaı gór,
Qol jaıǵyzba qaıyrsyz ben jamanǵa!
Júrsek-taǵy talaı otqa janyp biz
Emespiz ǵoı pátýasyz, paryqsyz.
«Elim-aı» dep ekinshi ret zarlatpa,
Áli esi kirmeı júrgen halyqpyz.
Óziń ońda, áıtpese biz ońbaımyz,
Jat meıramdy «Jańa jyl» dep toılaımyz.
Uıqymyzdan oıana almaı júrgesin
Aıaz-ata áýlıe dep oılaımyz.
Oý, Rabbym! Kitabym bar, ol – Quran,
Ata-dástúr – sarqylmaıtyn mol muram.
«El ıesi – tek qazaq» dep, apyr-aı
Qashan ǵana kúmbirleıdi dombyram.
Myrzan Kenjebaı.
26 jeltoqsan, 2016 jyl
