Seher Reseıdiń Túrkıadaǵy elshisi Andreı Karlovty óltirgen Mert Altynshashtyń ápkesi. Ol inisiniń polısıa akademıasyna túskennen keıin qatty ózgergenin aıtady. Oqýdyń ekinshi jylynda ol S. esimdi adammen tanysqan. Akademıany bitirgennen keıin de ekeýi birge turǵan jáne S. –nyń Mert Altynshashqa degen yqpaly zor bolǵanyn aıtady.
«2012 jyldan bastap Mert qatty ózgere bastady. Iaǵnı ony sol kezden bastap birdeńkege daıyndaǵan» deıdi Seher.
Túrik áleýmettik jelilerinde úkimettik is-sharalaryna jıi barady degen aqparatpen S. fotolary paıda boldy.
Suhbatta qylmyskerdiń ápkesi baýyrynyń eńbek demalysyna kelgende nelikten kúni boıy úıinde otyratynyn túsingenin jetkizdi. Kóshege shyqpaıtyn, eshkimmen sóılespedi, ózine jańa kıim satyp almaıtyn, qarapaıym eski uıaly telefondy qoldandy. Ol kezde munyń barlyǵy men úshin qyzyq kórindi. Alaıda mán bermegenin aıtady.
Mert Altynshash Túrkıa prezıdenti Rejep Taııp Erdoǵannyń kúzetshisi qyzmetine ornalasqysy kelgen eken. S. esimdi dosy ekeýi atalmysh qyzmetti atqarý úshin arnaıy test tapsyrǵan. Olar joǵary bal jınaǵan. Alaıda tájirbıesiniń az bolýyna baılanysty jumysqa alynbaǵan. Mert Altynshash qaýiptiń «sur tiziminde» bolǵan. Bul týraly onyń ápkesi jaýap alý kezinde bilgen. Túriktiń BAQ Altynshash birneshe márte Erdoǵannyń is-sharalarynda kúzetshi bolǵanyn jazdy.
Seher, Merttiń dúnıetanymyn asha túsetin mańyzdy aqparat aıtyp berdi. Qyzdyń aıtýynsha olar jaqsy otbasynan shyqqan. Alaıda baýyrynyń polısıa akademıasyndaǵy ekinshi oqý jylynda konservatıvti minez qalyptasqanyn aıtady. Demalys kezinde otbasymen teńizge barýdan bas tarta bastaǵan. Oǵan deıin ápkesi jáne anasymen jaǵajaıda demalysyn jıi ótikzetin.
Mert Altynshash qyzben tanysqan. Ony anasymen tanystyrmaq bolǵan. Alaıda anasy qyzdyń tek kózin kórsetip qalǵan jerin jaýyp turatyn kıim kıetinin bilgende, onymen tanysýdan bas tartqan. «Biz ápkeń ekeýimiz onymen til tabysa almaımyz» degen eken anasy.
Sonymen qatar, Seher beınejazbadan elshini óltirgen sátin kórgende Mert ózin múlde basqasha ustaǵanyn aıtady. Birtúrli qylyqtar, oǵan tán emes qımyldar jasady. Ony bireý basqaryp nemese ne isteý kerektigin aıtyp otyrǵandaı áser qaldyrdy.
Qylmyskerdiń ápkesi Seher Mert Altynshashtyń Fetýllah Gúlenniń uıymymen baılanysy týraly suraqqa jaýap berdi. Mert ol uıymnanan eshqandaı stıpendıa almady deıdi ápkesi. «Oqýdyń aqshasyn anam tóledi. Gúlenniń «dárisqanasyna» inim barmady. Kerisinshe men Gúlenniń uıymymen baılanystyratyn «Korfez» daıyndyq kýrsyna qatystym. Biraq ol ýaqytta Gúlenge qazirgideı jaýgershilik kózqaras bolmaıtynyn aıtty. Kýrs pen uıym arasyndaǵy baılanys týraly eshkim bilmedi jáne talqylmaǵanyn aıtady.
Qylmys jasamas buryn Altynshash anasyna habarlasqan. Ol ýaqytta anasy Sehermen kafede otyrǵan. Sóılesýdiń reti bolmaı, anasy qaıta telefon shalatynyn aıtqan. Túrkıada alys jolǵa attanǵan adamdar qalaı qoshtassa Mertte dál solaı qoshtasqanyn aıtady. Alaıda Seherdiń aıtýynsha sońǵy kezderi Mert árqashan dál solaı qoshtasatyn bolǵan.
Suhbatta Seher otbasymen inisi úshin qatty uıalatynyn aıtqan. «Biz úıde otyrǵanbyz. Úıge tanystarymyz telefon shalyp, Mert týraly suraı bastady. Ol Ankarada, al ol jerde terakti degen sıaqty. Sender Mertpen sóılestiń der me? dep surady. Men ashýlanyp kettim. Merttiń qatysy qansha? dep ózderine suradym. Tolassyz telefon qońyraýlarynan keıin teledıdardy qosyp, óz kózimizge ózimiz senbedik...».
Seher, Altynshashtyń denesi morgta ekenin jáne otbasy ony alyp ketpeıtinin aıtty. Qylmysqa baılanysty ákesi, anasy, Seher jumystan shyǵyp qalǵan. Qazir olar boı tasalaýǵa májbúr.
Derek kóz: mk.ru
