Jańa jyl túni qarsańynda Túrkıanyń Stambýl qalasy, Reına túngi klýbynda lańkestik oqıǵa oryn alyp, 39 adam kóz jumǵan bolatyn.  Asqan  qatigezdikpen jasalǵan terrorlyq aktini DAISH terorıstik uıymy óz moınyna alǵan bolatyn.  

Túrkıaǵa tanymal sánger Dıdem Soıdan óziniń ınstagram paraqshasynda atalmysh oqıǵaǵa baılanysty pikirin bildirdi.  https://www.instagram.com/p/BOtBeQEA6ao/?taken-by=didemsoydan Dıdemniń pikiri jurtshylyqtyń nazaryn aýdaryp, kópshiliktiń qoldaýyna ıe boldy.  Túrkıada áleýmettik jelidegi jazbalar qatań baqylaýda turǵanyn baıqaýǵa da bolady.

Dıdem Soıdan: «Bul sózderdi qoldaǵandardyń ishinde eń birinshi bolyp aılyǵyn biz bergen saıasatkerler jaýapty. Bılikte anam bolsa, ol da jaýapty. Bul oqıǵaǵa barlyq saıasatkerler jaýapty. Meniń qózqarasym boıynsha, eshbiriniń basqalardan aıyrmasy joq. Ne degen úreı! Bir nárse aıta qalsaq, «din dushpany», «dinge qarsy», «bılikke qarsy», odan qala berdi, memleket dushpany, otan satqyny bolyp shyǵa kelemiz. Bul elde kún saıyn polısıamyz, áskerimiz, azamattarymyz ólip jatyr! Bulardy moınyna ISHIM ala ma álde fetoshylarǵa jatqyzasyz ba, bilmeımin. Bizge ne dese de mal sıaqty tyńdaımyz, odan soń BAQ-qa tyıym keledi, estip úlgergeni estıdi, estimegenderi mal sıaqty ottap júre beredi. Bul jaǵdaıǵa kómekteskenniń barlyǵy naǵyz arsyzdardyń dál ózi. Qalaı oılasańyz, sol!  Bul sondaı ap-aıqyn. Sabyrǵa shaqyrý, taǵysyn taǵylar, bunyń maǵynasy qaldy deısiń be?! Barlyǵy naqaqtan-naqaq opat bolyp jatyr, kimdi kimnen qalaı qorǵaımyz? Bizdi kim qorǵaıdy. Nazar sal, «biz» dedim, «sen», «men» dep bólip jatqan joqpyn. Árbir tvıtimizdi, ár bóliskenimizdi timiskelep, blok qoıýdy bilesińder, endi bul sózderdi qoldap járdem bergenderdi de timiskelep tabyńdar, kóreıik».

 Aına Dosbolqyzy