Shymkentte turatyn kóp balaly ana balalaryn kıindirý úshin nesıe alǵan. Balalar úıinde tárbıelengen 25 jasar  Janerke Temirbaeva jumysqa shyqqysy kelgen. Sondyqtan balalaryna kıim-keshek alyp, bala kútýshi jaldamaq bolǵan. Sol úshin 400 myń teńge nesıe aldy. Alaıda jaldaǵan bala kútýshisi ony tonap ketken. Sondyqtan paıdalanyp úlgermegen nesıesin aı saıyn tóleýge májbúr.

Janerke Temirbaeva jas bolsa da kóp balaly ana. Tamyz aıynda Janerke balalaryn balabaqsha men mektepke daıyndap, bala kútýshi jaldap, jumysqa shyǵý úshin bankten nesıe alǵan. Bala kútýshi retinde 19 jasar qyzdy jumysqa aldy. Birneshe kúnnen keıin ol 400 myń teńgeni alyp qashyp ketken. Urlanǵan aqshany áli kúnge deıin qaıtaryp ala almaı kelemin deıdi jas ana.  

«Men aýdandyq ishki ister bólimine shaǵym túsirdim. İsti bastaýy úshin meni shaqyryp, qaǵazdarǵa qol qoıǵyzdy. Bala kútýshi de keldi. Urlaǵan aqshany qaıtarýǵa ýáde berdi. Maǵan bergen barlyq qaǵazǵa qol qoıdym. Zańgerlik iste eshteńe túsinbeımin. Odan keıin prokýratýradan habarlasyp men ony keshirgenim jóninde qaǵazdarǵa qol qoıǵanymdy aıtty. Tekseristen keıin, isti qaıta bastady. Alaıda  eshqandaı nátıje joq» deıdi Janerke.

Kún saıyn bankten jalǵyz basty anaǵa habarlasyp nesıeni tóleýdi talap etedi. Aı saıyn 70 myń teńge tólep turý Janerkege óte qıyn soǵýda. Osy ýaqyt aralyǵynda qaryzdar jınalyp, memlekettik baǵdarlama boıynsha alǵan úıdiń páter aqysy men komýnaldyq qyzmetke tólenetin aqsha da kelip qaldy. İshimdikke jaqyn kúıeýi qıyndyqqa shydamaı otbasyn tastap ketip qalǵan. Balalarǵa beriletin járdemaqy 30 myń teńge jáne kúıeýi balalaryna alıment retinde 6 myń teńge beredi. Barlyǵy avtomatty túrde nesıeni jabýǵa ketedi. Endi Janerke balalaryn tek sý jáne nanmen tamaqtandyryp otyr. Maı, qant, tipti shaıdyń ózin tek mereke kúnderi ǵana kóredi. Úıde tońazytqysh ta joq. Barlyq azyq-túlik ońaıshylyqpen kishkentaı shkafqa sıyp ketedi. Osy qıynshylyqtardyń barlyǵynan qajyǵan Janerkege ózine qol salý týraly da oılar kelgen. Alaıda balalaryn oılap, ondaı qadamǵa bara almaǵan.

«Jaryq, gaz, sýdy óshirip, nanǵa aqsha taba almaı qalǵan ýaqytta osy álemmen barlyq baılanysty úzip, ózime qol salǵym keldi. Biraq keıin ol oıym úshin qatty uıaldym. Men balalarymdy tamaqtandyryp, qolymnan kelgenshe kıindirýge tyrysyp jatyrmyn. Bir kúni balam aýyryp qaldy. Dári satyp alý úshin kórshige undy satýǵa týra keldi. Endi balalarym qaıta aýyryp qaldy. Maǵan kómek qajet» dep kózine jas aldy Janerke.

 25jasar balalar úıiniń túlegi Janerkenin bes balasyna basqa jaqyndary da, týystary da joq.  Eń kishisi 4 aılyq. Al úlkeni 7 jasta, esimi Nurıslam. Ol úı sharýasyn jasap, mektepke barǵandy jaqsy kóredi. Biraq balanyń qysqy kıimi bolmaǵandyqtan, mektepke bara almaı otyr. Alaıda Nurıslamnyń armany jyly kıimder emes, púlti bar kólik.

«Men úı tapsyrmasyn oryndap bolǵannan keıin anam ony tekseredi. Men púltpen jumys isteıtin kólikti armandaımyn. Men de, dostarym da onymen oınaýshy edik» deıdi Nurıslam.

Tájirbıesizdigi jáne sengishtiginiń kesirinen aldanyp, qıyn jaǵdaıǵa tap bolǵan Shymkentte turatyn kóp balaly anany "Qamshy" portaly izdep taýyp, baılanysqa túsken bolatyn. Janerke daýsy jarqyn, aqkóńil kelinshek bolyp shyqty. 5 balasy jan-jaqtan shaqyryp, kishkentaıy jylap jatsa da bizdiń qońyraýymyzǵa qýanyp qalǵanyn jasyrmady. Janerke Temirbaevanyń jaǵdaıyn óz aýzynan estigi keletin, qandaı kómek kerektigin suraǵysy keletinder 87024427823 nómirine habarlassa bolady. Ol ázirge bankte shot asha almaıdy. Sebebi ol jerge túsken qarjynyń barlyǵy avtomatty túrde qaryz jabýǵa ketedi. Sondyqtan kórshisiniń shotyn berip otyr. Óziniń aıtýynsha, kishkentaıyna besik arba men ıtarba qajet. 

 Bank Sentr Kredıt 

№ 4667208102767543

Nursultan Kalshorayev

JSN 911205300887

Avtor: Irına Abramova

Derek kóz: liter.kz