Álem chempıony Qýat Naıman óziniń ınstagram paraqshasynda QR azamattaryn tirkeý týraly erejege  óz narazylyǵyn bildirdi. Ol elimizdegi jumyssyzdyq, qysqartýlar, qymbatshylyqty qatań synǵa aldy. Osy qordalanǵan máseleniń kesirinen jastar ishimdikke áýestenip, urlyq, adam óltirý sekildi qylmys kóbeıip ketkenin aıtady. Eldegi osy jáne ózge de máselelerdi de atap ótti.

«Bizdiń elde sheshimin tappaǵan máseller óte kóp. Olardy sanaýǵa meniń de, dostarymynyń da saýsaǵy jetpes. Aýyldyń hali múshkil. Barlyq jerde jumyssyzdyq, qysqartý. Azyq-túlik, komýnaldy qyzmettiń baǵasy sharyqtap barady. Eger kúnin áreń kórip júrgen zeınetker rúlde otyryp, kameraǵa túsip qalsa, bir aı boıy ash júrýine týra keledi. Almatydan 100 shaqyrym jerge shyqsań múlde basqa ómirdi kóresiń. Joldar 1945 jyldan beri jóndeý kórmegen. Jastar ishimdikke salynyp, adam óltirý, urlyq kóbeıip ketti. Adamdar ashtan ólmeýi úshin qalaǵa keledi! Endi olar óz elinde júrip, basqa qalaǵa barǵysy kelse sol úshin aqsha tóleýi kerek pe? Qudaı atymen ýáde beremin, kimde-kim tirkeý máselesimen kelse, sol jerde jer jastandyramyn. Qazaqtan - munaı, gaz, altyn, kúmis, ýran, mys, alúmını kómirge baı.  Ol boıynsha álemde alǵashqy bestikke kiredi. Halyq onyń paıdasyn kórip otyrǵan joq! Osydan keıin qarapaıym halyqty ózderińniń aıyppuldaryńmen tonamaqsyńdar ma?  Naǵyz patrıot degenimiz «Alǵa Qazaqstan» dep aıqaılaıtyndar emes, halyqtyń muń men muqtajyn sezinetin adam! Elde qansha qordalanǵan másele bar, olar bolsa aıyppuldy oılap taýypty» dep narazylyǵyn bildirdi Qýat Naıman.