Qazaqstandyq boksshy Qanat Islam (22-0, 18 KO) birinshi orta salmaqta WBO tujyrymy boıynsha álem chempıony Saýl «Kanelo» Alvarestiń (48-1-1, 34 KO) qarsylasy bolýy múmkin.

Fightnews.com saıty jazýynsha, mundaı qaýeset bokssúıer qaýymnyń arasynda taralyp jatyr-mys. Sol qaýesetke sensek, Alvares - Islam jekpe-jek 6 mamyrda Tehastaǵy "Dallas Kovboız" stadıonynda ótýi múmkin delinedi. Arena 80 myń adamǵa arnalǵan.

Alvares pen Islam WBO belbeýine talasýy múmkin. Otandasymyz bul uıymnyń reıtıńinde besinshi tur.

Aıta keteıik, 26 jastaǵy Alvares orta salmaqta WBC, WBA, IBF jáne IBO belbeýleriniń ıesi qazaqstandyq Gennadıı Golovkınniń (36-0, 33 KO) qarsylasy bolýy múmkin. 2017 jyly meksıkalyq GGG-nyń salmaq dárejesine kóterilýdi josparlap otyr.

Eske salsaq, Qanat Islam ótken jylǵy suhbattarynyń birinde sharshy alańda meksıkalyq boksshy, WBC tujyrymy boıynsha 2015 jylǵy brıllıant beldiktiń ıegeri Saýl Alvarespen judyryqtasýdy qalaıtynyn aıtqan edi..

«Shyn myqtymen aıqasqanda ǵana, ózińniń myqtylyǵyńdy dáleldeı alasyń. Boksta júrgenime talaı jyl boldy. Ol jasaǵan soqqyny men de jasaımyn. Men onymen kezdesemiz dep oılaımyn jáne aldaǵy ýaqytta ol maıdan bolady dep senemin»,- degen edi Qanat Islam.