Italıada «Mıss Romaná – 2007» sulýlyq baıqaýynyń jeńimpazyna kúkirt qyshqylyn shashyp jibergen. 28 jastaǵy Djessıka Notaro Rımını aýrýhanasyna aýyr halde jatqyzyldy dep habarlaıdy Corriere della Sera gazeti.

Dárigerler kem degende qyzdyń kórý qabiletin saqtap qalýǵa úmittenip otyr.

Oqıǵa birneshe kún buryn Rımınıdaǵy meıramhanalardyń birinde bolǵan. Kýágerlerdiń aıtýynsha, jas qyz jigitimen birge restoranǵa keshki as ishýge barǵan. Bir kezde meıramhanaǵa basa-kóktep kirip, olar otyrǵan ústelge qaraı baǵyttalǵan belgisiz adam qyzǵa kúkirt qyshqylyn quıyp jiberedi. Sodan keıin qashyp ketýge tyrysady, alaıda patrúlder ustap alyp, qamaýǵa alady.

Belgili bolǵandaı, qylmysker 29 jastaǵy Edvon Tavares Djessıka Notaronyń buryn kezdesken jigiti eken.

Jasaǵan qylmysy úshin oǵan 10 jylǵa deıin jaza berilýi múmkin.

Buǵan deıin qyz Tavares ózin qorqytyp júr dep, polısıaǵa shaǵymdanǵan bolatyn.