Búgin ǵalamtor jelisinde Almaty qalasynyń turǵyny QR Bilim jáne ǵylym mınıstri Erlan Saǵadıevke oqýlyqtardaǵy tapsyrmalarǵa qatysty óz shaǵymyn vıdeoǵa túsirip, ǵalamtorǵa júktegen. Onda 1-shi synyp oqýshylaryna arnalǵan oqýlyqtaǵy tapsyrmalardyń  óte kúrdeli ekenin aıtqan. Bilim jáne ǵylym mınıstrligi birinshi synypqa arnalǵan oqýlyqta nelikten qıyn tapsyrmalar kezdesetinin túsindirip berdi.

«Oqýshylar tek oqý men jazýdy ǵana úırenip qoımaı, oılaý qabiletin damytý qajet. Sondyqtan jańa oqýlyqtar qazirgi zaman talabyna laıyqtalyp qurastyrylǵan. Balanyń jasy da eskerildi. "Fızıka", "Hımıa", "Bıologıa", "Geografıa" pánderin qabyldaý balaǵa qıyn soǵady. Sondyqtan bastaýysh synyptarda álemniń ǵylymı kartasyn qabyldap, qıyn termınderdi túsinýi úshin «Jaratylystaný» páni engizildi. Baǵdarlama kishkentaı qadamdarmen oqýshynyń  bilimi men qabyldaýyn keńeıtýge negizdelgen» dep túsindirdi pedagogtar.

Al oqýlyqtardyń aýyr salmaǵyna baılanysty QR Bilim jáne ǵylym mınıstrligi birinshi synypqa arnalǵan barlyq oqýlyqtar 300-400 gramnan aspaıtynyn málimdedi.