2005 jylǵy is boıynsha Orynbor óńirinde áıel adam  Qazaqstan men Reseıdiń biraz aýmaqtarynda tyıym salynǵan «Ata Joly» dinı uıymyn uıymdastyrǵan . Bul ıdeologıa ıslamnyń, shamanızm men ata-babamyzdyń ustanǵan ǵuryptarynyń qosyndysynan turady.

Orynbor soty «Ata joly» sektasyn uıymdastyrǵan jáne adam ómiri men densaýlyǵyna qaýipti emshilik qyzmetterdi kórsetkeni úshin  Jumaǵyz Kishiǵanovaǵa qatysty úkim shyǵardy. Shyǵarylǵan úkim jaıly aqparatty sottyń baspasóz qyzmetinde rastady. Bul týraly  RIA «Orenbýrje» habarlaıdy. 

Kishiǵanovaǵa  eki bap boıynsha, «adam densaýlyǵyna zıan keltiretin dinı bilestik qurǵany» jáne «tutynýshylardyń ómiri men qaýipsizdigine kepil bermeıtin qyzmet usynǵany» úshin aıyptaldy. 

Sot eki jylǵa bas bostandyǵynan aıyrýǵa jaza taǵaıyndady, – dep málimdedi Orynbor soty.

Esterińizge sala keteıik, «Ata joly» (Aq jol) óz qyzmetin uıym retinde 1997 jylǵy aqpan aıynda bastaǵan. Keıinnen «Ata joly» dep ataýyn ózgertip, 2001 jyly Almatyda komersıalyq uıym (JSHS) retinde tirkelgen. Uıymdastyrýshysy búkil Qazaqstan boıynsha kóptegen shákirtteri bar Qydyráli Tarybaev. «Ata jol» atty rýhanı-tanymdyq jýrnal, «Ata joly álippesi» atty kitapshalaryn jáne basqa da basylymdar shyǵaryp otyrady. Atalǵan uıymnyń basty maqsaty – belgili bir tólemaqyǵa adamnan áýlıe jasaý. Emdeý kýrsy ishine ata-babalardyń arýaqtarmen baılanysý úshin Qazaqstannyń ońtústik aımaqtaryndaǵy kıeli jerlerge barý kiredi. Adamdy onyń sáýegeılik pen emshilik qasıetine ıe ekendigine jáne adamdardy keselden emdeı alatyndyǵyna sendiredi. Eger ol arýaqtardyń shaqyrýyna qulaq aspasa, baqytsyzdyqqa ushyraıdy dep qorqytady.

Qazaqstanda «Ata joly» qozǵalysynyń jumysyna sot sheshimimen tyıym salynǵan.