Almatydaǵy Alataý aýdandyq Halyqqa qyzmet kórsetý ortalyǵynda 50 jastaǵy er adam qaıtys boldy dep habarlaıdy tengrinews.kz. Bul týraly ortalyqqa barǵan kýágerler habarlady.
Oqıǵa búgin, tańǵy 10.00 shamasynda bolǵan.
Kýágerlerdiń biriniń aıtýynsha, 50 jastaǵy er adam ýaqytsha tirkeý boıynsha kezekte turǵan. Bir sátte ol qulap túsken. Aldyn ala málimet boıynsha, onyń júregi syr bergen.
Oqıǵa ornyna jedel járdem keldi. Oqıǵanyń mán-jaıy anyqtalyp jatyr.
Eske salaıyq, osyǵan deıin de mundaı jaǵdaı Almaty oblysynda HQKO-synda bolǵan. Boraldaı aýylynan tańǵy ýaqytta HQKO-ǵa kelgen 59 jastaǵy er adam III toptaǵy múgedek mekemeden shyǵyp, kóligine otyrǵan kezde júregi toqtap qalǵan.
