Tambov oblysy Sosnovka aýylynda 17 jasar Aleksandr Kıreev baltamen ákesin, ájesin jáne ápkesin bólshektep tastaǵan dep habarlaıdy 360tv.ru.

Tergeýshilerdiń habarlaýynsha jetkinshek 13-nen 14-ne qaraǵan túni otbasy uıyqtap jatqan jerinde  óltirip tastaǵan. Ápkesi men ájesi birden til tartpaı qaıtys boldy. Al ákesin aýrýhanaǵa jetkizgen. Alaıda dárigerler ony aman alyp qala almady. Ol aýrýhanada kóz jumdy.

Aleksandrdyń synyptastary jetkinshek únemi qara kıim kıip júretinin, ózin satanıst dep ataıtynyn jáne eshkimmen sóılespeıtinin jetkizdi.

«Ol ózin satanıst dep atap, qudaıǵa ólim degen sekildi qorqynyshty sózderdi aıtatyn. Biraq bizben ózin qarapaıym ustady» deıdi synyptasy.

Qylmys jasaǵanǵa deıin onyń jabyrańqy júrgenin jáne ómirinde birdeńeni ózgertkisi keletinin aıtqan. Synyptastary ony baısaldy, eshkimmen arazdaspaıtyn adam retinde sıpattap berdi.

Qazirgi tańda Kıreevtiń ústinen  «Eki jáne odanda kóp adamdy óltirý» baby boıynsha  qylmystyq is qozǵaldy. Jaqyn ýaqytta jetkinshek qamaýǵa alynady.