Ulyn sotqa bergen zeınetker sotta aqyry jeńip shyǵyp, aı saıyn 7 myń teńge tólemge qol jetkizip otyr. Kámıa Muqasheva alǵashynda balasy Marbulannan 20 myń teńgeden asa alıment talap etken. Biraq taraptardy tyńdaǵan sot, alıment kólemin úsh ese qysqartypty.

Balasyn sotqa bergen ana týraly ótken aıda habarlaǵanbyz.

Janjaldyń bastalýyna otbasyndaǵy kıkiljiń sebep. On bala týsa da, qartaıǵanda jalǵyz qalǵan Kámıa Muqasheva 60 myń zeınetaqy as sýyma jetpeıdi dep ortanshy ulynan alıment talap etken edi. Anasynan bas tartqan Marbulan bolsa, «bala kezimde durys baqpady» dep, aqsha tóleýden at -tonyn alyp qashqan-dy. Endi týystardyń daýyna sot núkte qoıdy. Al Kámıa ájeı, az da bolsa, 7 myń turmysyma sep bolar dep otyr.

Kámıa Muqasheva, Petropavl qalasynyń turǵyny:

-Sot bolǵasyn onyń sheshimine kóndik, jaraıdy. Oılaǵam 22-25 myń teńge bola ma dep. Páteraqyny tólep tamaq alam. Jasyratyny joq, et joq, et qymbat. Nan, sútke, shaıǵa jetedi.