Qytaıda jasalǵan Sáo Nan esimdi robot korespondent 300 ıeroglıften turatyn alǵashqy maqalasyn 1 sekýndta jazdy. Maqala Southern Metropolis Daily tabloıdynda jarıalandy. Bul týraly «Qamshy» portaly  Forbes-ke silteme jasap habarlaıdy.

Maqala Qytaıdyń jańa jyl aldyndaǵy poıyz saparlarynyń artýy týraly jazylǵan. Robot kólemdi maqalalardy da, qysqasha sholýlardy da jasaı alady. Onyń ereksheligi óte qysqa ýaqytta saraptama jasaı alýynda. Bul týraly Pekın ýnıversıtetiniń profesory Van Sáoszún málimdedi.

Alaıda, robot jýrnalıs jumysyn tolyqtaı atqarýǵa áli daıyn emes. Ol suhbat ala almaıdy, berilgen jaýaptarǵa baılanysty suraqtar qoıa almaıdy. Profesor Van Sáoszún Southern Metropolis Daily basylymymen robotty damytýǵa arnaýly laboratorıalyq shart jasasqan.  Aldaǵy ýaqytta robotty qurastyrýshylar onyń basylymdarǵa úlken kómekshi bolatynyna senimdi.