Teńiz tolqyp, aspandap daýysynan,

Aqyldy sezim jeńip baǵytynan...

Mıllıardty ketkendeı tolqyn soǵyp!..

Alpys eki tamyrda aǵytylǵan!

Kótergen qazaq daýysyn dara shyńǵa,

Suńqar men qyrandardyń arasynda.

Chańshada bar álemdi jalt qaratyp...

Ǵasyrdyń qalyp qoıdyń sanasynda!

Aspannyń aýdarylyp bir tabaǵy...

Keýdemde dirdekteıdi jyr paraǵy!

KÓGİLDİR KÓKJIEKTİ ÁNMEN SÚZİP...

Kóz bitti kórmesterge sý qarańǵy...

Ǵaryshtan quıylǵandaı egistikke,

Qaıtadan kóterilip keńistikke!

Bulttaı ushyp júrsiń kókjıekte,

Bula tún kótergendeı teristikte!

Oıanǵandaı teńizdiń shýylynan...

Terbelgendeı qyrannyń sýylynan...

Tolqyǵandaı sezimniń boıaýynan,

Jylynǵandaı juldyzdyń jylýynan!

Terbetilip sananyń aǵysynan,

Quıylǵandaı qazaqtyń shabytynan,

Dúnıeniń kózinde qanat qaǵyp,

Bostandyqtyń únisiń aǵytylǵan!

Aqyldyń qonaqtadyń paraǵyna...

Masaıtyp dúnıeni sharabyńa...

Alashtyń ÁN SATYSYN TİK KÓTERİP...

ÁLEMDİ TERBEP TURSYŃ SHANAǴYŃDA!!!

Serik Boqan