QR Eńbek jáne halyqty áleýmettik qorǵaý mınıstrliginiń baspasóz qyzmeti 2016 jyly Qazaqstanǵa qansha qandasymyz kóship kelgeni týraly aqparat taratty. Oǵan saı, ótken jyly 16 myń 417 otbasy nemese 33 myń 754 etnıkalyq qazaq tarıhı Otanyna qaıta oralyp, oralman mártebesin aldy.

Qazaqstanǵa kelgen qandastardyń kópshiligi, ıaǵnı 65,5%-y Ózbekstannan kelgen. Sondaı-aq, 24,9%-y – Qytaıdan, 3,2%-y – Túrikmenstannan, 2,7%-y – Mońǵolıadan, 3,7%-y ózge elderden oralǵan. Olardyń basym bóligi, ıaǵnı 33,9%-y – Ońtústik Qazaqstan oblysyna, 25,4%-y – Almaty oblysyna, 10,6%-y – Mańǵystaý oblysyna, 5,8%-y – Jambyl oblysyna, 24,3%-y elimizdiń ózge óńirlerine qonystandy. Elge oralǵan qandastarymyzdyń 65,4%-y eńbekke qabiletti jasta bolsa, 16 jasqa deıingileri – 28,6%, zeınetkerler 6%-y quraıdy.

Eńbekke jaramdy etnıkalyq qazaqtardyń 10,8%-ynyń joǵary bilimi bar bolsa, 20,3%-ynda orta arnaýly bilim bar, 65%-y jalpy orta bilimi bar azamattar, al 3,9%-ynyń bilimi joq.