Almaty qalalyq soty Birtutas zeınetaqy jınaqtaý qory (BZJQ) basshylarynyń tutqyndalý sebebi «Býzgýl Aýrým» kompanıasynyń oblıgasıalaryn satyp alýǵa baılanysty ekenin jarıalady. Ulttyq bank bul qarajat qordyń óz aktıvi esebinen bólingenin, salymshylardyń aqshasy ornynda ekenin aıtyp aqtaldy. Aý, sonda mıllıardtaǵan soma qordyń ákimshiligine qaıdan keldi? Olar salymshylardyń aqshasyn, ıaǵnı halyqtyń aqshasyn aınaldyrýdan tabylǵan tabys emes pe? Qor ákimshiligi men Qor ekeýi eki basqa zańdy tulǵa bolatyn bolsa, barsha qazaqstandyqtardyń qazir trıllıonnan asqan salymy ıesiz eken-aý, onyń aqshasyn aınaldyryp, Qorǵa tabys túsirýge tıisti ákimshilik jeke ózine tabys taba beredi eken-aý?

Májilistegi Qazaqstannyń halyqtyq komýnıseri partıasynyń fraksıasy atynan depýtat Aıqyn Qońyrov premer-mınıstr B.Saǵyntaev pen Ulttyq bank tóraǵasy D.Aqyshevke depýtattyq saýal joldap, mundaıdyń ádiletsizdik ekenin jetkizdi. Qor aqshasynyń aınalystan túsken tabysy tutastaı onyń óz qambasyn tolyqtyrýy kerek delingen saýalda.

Qordy basqarýshylardyń qor arqyly ózine tapqan tabysy 2016 jyldyń 11 aıynda ol 14 mıllıard 622 mıllıon teńge bolypty. Bul ádiletsizdik jolymen tabylǵan tabys. Ákimshilikti aınalystan aqsha tabatyn emes, naqtyly eńbekaqy alatyn basqarma qylyp quryp, eńbekaqy qoryn belgilep, sodan ǵana aqy alýǵa qoıý kerek edi ǵoı. Óıtkeni, Qordyń janynan tabys tabatyn Ákimshilik bolsa ol óz qaltasynyń múddesin kóbirek oılaıdy emes pe? Depýtattyń saýaly osyndaı oılarǵa jeteleıdi.

S.ELEÝ, sarapshy