Japonıadaǵy túski astyń berilýi – tamaqtanýdan da kóp nárseni bildiredi. Onyń qandaı ereksheligi bar ekenin sizder Saıtamda ornalasqan mektepterdiń birine onlaın-ekskýrsıa qurý arqyly bile alasyzdar.

Tanysyp qoıyńyzdar, bul Yui. Búgin ol mektebindegi túski astyń ereksheligi jaıly aıtyp beredi.

Mektep asqanasynyń 5 jumysshysy 3 saǵatta 720 adamǵa túski as daıyndaıdy.

Olar tazalap jatqan kartoptardy altynshy synyp oqýshylary mektep fermasynda ósirgen.

Búgingi túski asqa almurt soýsynan balyq (almurttar da metkep baǵynda ósirilgen), kartop ezbesi, nan, kókenis sorpasy men sút.

Aspazshylar taǵamdy ár synypqa konteınerlarǵa bólip qoıady. Bulardyń bári bir bólmede daıyndalady.

4-shi sabaqtan keıin oqýshylar ustazdaryna ótkizgen sabaǵy úshin alǵys aıtady. Endi 45 mınýtqa sozylatyn túski as ýaqyty. Bútin bir sabaqtyń ýaqytyndaı!

Oqýshylar halattary men bas kıimderin kıip, betterine betperde taǵady.

Mindetti túrde qoldaryn jýyp, arnaıy sterıldeıtin gelmen qoldanady.

Kezekshiler taǵam salynǵan konteınerge barady. Biraq olar aldymen aspazshylarǵa daıyndalǵan as úshin alǵys aıtady.

Kishi synyp oqýshylary túski asty mynandaı arbamen súıretedi.

Al, bul bala sútti úlestirý boıynsha kezekshi. Ol árqaısyna bir paketten taratady.

Bul jerde sorpany quıyp, daıyndap beredi.

Daıyndap bolǵan soń, kezekshiler qansha as qalǵanyn aıtyp, esep beredi. Eshteńe ysyrap bolyp qalmaýy kerek!

Ustazdary balalarmen birge tamaqtanady. Asqa kirispes buryn, ol balalarǵa aldynda turǵan astyń qandaı ónimderden jasalǵanyn baıandap beredi.

Túski astan soń, balalar bástesip oınaıdy. Jeńgen balaǵa artyq qalǵan balyq pen sút beriledi. Eshteńe ysyrap bolmaıtynyn aıttyq qoı!

Onyń ústine oqýshylar bosap qalǵan súttiń paketin qaıta óńdeýge jiberý úshin daıyndap beredi.

Tamaqtan soń, bári mindetti túrde tisterin tazalaıdy.

Súttiń paketin jáshikke jınap, ony sýmen jýyp, bir táýlikke keptirýge qoıyp qoıady. Odan keıin ony arnaıy orynǵa aparady. Ol jaqtan qaıta óńdeýge alyp ketedi.

Las ydystardy oqýshylar ózderi tasıdy. Kishkentaılary ydystardy súıretilgen arbamen lıftke deıin aparady.

13:10 tazalyq ýaqyty bastalady. Ol 20 mınýtqa sozylady. Balalar synyptarynynyń, dálizdiń, dárethananyń edenin jýyp, mektep aýlasyn sypyrady.

Balalardy kishkentaıynan eńbekke baýlyp ósiredi. Olar ónimderdiń ońaılyqpen kelmeıtinin uǵynady. Olardy aldymen ósirý kerektigin de jaqsy túsinedi. Barlyǵy birlikte uıymdastyrylǵan!